BAHAN PJJ 06 - 12 APR 2014 RG. GBKP CENGKARENG (HUT KAKR GBKP 124 TAHUN)

BAHAN PJJ 06 - 12 APR 2014  RG. GBKP CENGKARENG

(HUT KAKR GBKP 124 TAHUN)

OGEN : Kuan2en 15:20-24                                      Tema :” Anakku Eme Kehaganku”

Tujun:  

1.      Gelah Ngawan ni perpulungen nggejapken maka anak eme kehagan orang tua.

2.      Gelah orang tua mabai anak-anak I tengah jabu jadi anak-anak si pentar dingen erkemalangen man Dibata.

Gambaren Umum Kerna Kitab Kuan-Kuanen

Penulis: Salomo ras piga-piga si la tersinget gelarna

Latar Belakang: Kitab enda isina kerna ajaren agama dingen kerna cara nggeluh si payo ibas kegeluhen si tep-tep wari alu makeken perukuren sip inter dingen nggeluh mehamat. Tema sentral Kitab enda eme mehamat ras erkemalangen man Tuhan guna ndatken pemeteh dingen kepentaren.

Tujun Kitab  Kuan-Kuanen: nampati kalak gelah pentar dingen ngaloken pengajaren si mehuli, bujur, adil dingen benar. Kitab endape ngajari kalak si lenga erpengalamen gelah cerdik, kalak si nguda gelah pantas dingen pentar, kalak si nggo erpemeteh ertambahna pemetehna, kalak si enggo meganjang sekolahna pe tetap banci erlajar ijenari (Kuan2 1:2-6). Ertina Kitab enda erguna man kerina kalak guna mereken pemeteh maka ngasup ngantusi pengajaren si terbuni ras ndatken pengertin si mbages kerna kai pe.

Penjelasen Teks Ogen : Kuan2en  15: 20-24

Bagin teks ogen enda isina eme kerna kumpulan nasehat ras prinsip-prinsip ibas kegeluhen, kerna uga sikap nggeluh ras dampakna kubas kegeluhen janah itampilken perbandingenna si kotradiktif (berlawanen):

1.      Ayat 20: Ibas ayat enda ipertentangken kerna biak “pentar”  ras “lenge” emaka ulihna pe pasti erlawanen. Anak si pentar ipertentangken ras anak lenge, adi anak “pentar” uga pa pe ulihna maba kemalemen ate man bapana, tapi sebalikna anak si lenge uga pa pe la iergakenna nandena (ay.20), ertina cara nggeluh anak mereken dampak (pengaruh) man orang tua. Ayat enda tujunna tentu ngajuk ras mabai kalak si ngogesa guna rukur : Nggo nge kita nggeluh alu pentar seh maka maba kemalemen ate man orang tua ? Ntah sebalikna sedekah enda kita ndalani geluhta jadi kalak lenge she maka la ngasup kita ngergaken orang tua, lenga jadi kehagaan man orang tua. Pentar (Hikmat) ijenda eme  soal karakter. Uga karakter geluhta dampakna la ngenca nandangi diri sendiri, tapi pe berdampak dan berakibat man kalak si deban (dhi: orang tua (ayat 20).

2.      Ayat 21: ijenda pe ipertentangken  antara “kalak lenge” (yang tidak berakal budi) ras “kalak pentar” bagepe sifat/ biakna  masing-masing. Kalak lenge meriah iakapna ibas kebodohenna, sebalikna kalak pentar ilakokenna kai si benar.

3.      Ayat 22 : iperbandingken antara kalak si melala dat pertenget dampakna kubas kegeluhenna seh bagi kai si isurakenna  sebalikna si la lit ibas ia pertenget labo she sura-surana.

4.      Ayat 23 : Pengajaren untuk menjaga ucapan sebab setiap kata yang tepat kita ucapkan pada tempatnya akan memberikan sukacita/keriahen man banta.

5.      Ayat 24: Kalak pentar uga pa pe pasti tujuan geluhna  mabai kegeluhenna terulin(meningkat/ nangkeng) labo daramina dalan si erbahanca ia bene.

Ogenta enda ndai ncidahken uga ndauhna perbedaan si ihasilken kalak (anak) si pentar ras si lenge, la ngenca pengaruhna nandangi pribadi anak e sendiri tapi pe pengaruhna nandangi kegeluhen orang tuana. Emaka kuncina ijenda eme uga tugas ras tanggung jawabta ndidik, ngajari ras mpebelin anak-anakta gelah ia nggeluh alu pentar sebab adi anak-anakta nggeluh alu pentar (berhikmat) pasti mereken kemalemen ate man orang tuana (ay.20), ilakokenna si benar (ay.21), seh kai siisurakenna sebab melala pedah ras persinget siisehken man bana (ay.22) ras mabai kegeluhenna kubas kiniulin labo ngincuah kubas kematen /kebenen (ay.24). Tentuna arah bahan PJJ nta enda kita ibabai ras ipersingeti selaku orang tua guna ertanggung jawab ibas nikapken anak2ta sebab tergantung kita orang tua, kuja sibabai ras sipersiapken anak2ta e, jadi anak pentar ntah jadi anak lenge, janah siap ka kita orang tua nandangi konsekuensina adi la kita ertanggung jawab ndidik ras mpersiapken anak-anakta. Pendidikan yang paling efektif nina eme alu mereken teladan/contoh si mehuli, erkiteken si e orang tua la terjeng beluh ngajarken tapi kai si ajarkenna man anak arus ka teridah contohna ibas kegeluhenna. Emaka penting siinget, maka tugasta orang tua :

1.      Nehken Pengajaren, mereken persinget man anak terus menerus, berulang-ulang (Ul. 6:7)

2.      Nggejapken maka anak eme kehagan, pemere Dibata siipercayaken Dibata emaka ertanggung jawab kita man Tuhan ibas ndidik ras pebelinca bagi si ngena ate Tuhan gelah ia nggeluh alu pentar.

3.      Jadi usihen/teladan si mehuli man anak2na.

Tanggal 18 April siperingeti 124 thn sehna BSM man kalak Karo sekaligus iperingeti HUT KAKR. Tentuna ibas nggo bage dekahna GBKP enda pengarapenta nggo banci sihasilken generasi si pentar ras si erkemalangen man Tuhan. Peranan si paling penting ibas nikapken anak2ta gelah jadi anak si pentar ras erkemalangen man Tuhan, eme peran orang tua sebab kuantitas waktu bersama anak lebih besar. Ibas Ul. 6:4-9, Tuhan memerintahkan ortu guna ngajarken man anak2na “berulang-ulang kepada anak-anakmu dan membicarakannya apabila engkau berbaring dan apabila engkau bangun.” (ay,7).  Ertina ijenda bahwa keluarga berfungsi selaku sekolah ras gereja si efektif guna pertumbuhan rohani anak, erkiteken ibas  kegeluhen keluarga proses pendidikan terjadi siang dan malam selama tujuh hari dalam seminggu, bagepe ibas kerina aspek kegeluhen ortu eme pendidikan (teladan) man anak. Alu kata si deban  orang tua sekaligus merangkap selaku “guru” dan “pendeta” man anak-anakna.

             Orang tua perlu sadar kerna pentingna pendidikan iman anak kitik2na nari sebab e menentukan karakter & kegeluhen anak selanjutnya ras sekaligus pe menentukan masa depan gereja. Uga kualitas gerejanta ibas masa datang itentukan ibas uga kita mengutamakan pendidikan iman ras pertumbuhan rohani anak-anakta mulai genduari nari.

SELAMAT MELAYANI & TUHAN MEMBERKATI

 (Pdt. Jenny Eva Karosekali STh. M.Min)