BAHAN PA MORIA TGL 13-19 JULI 2014 RG GBKP CENGKARENG

BAHAN PA MORIA TGL 13-19 JULI 2014 RG GBKP CENGKARENG

  Ogen : 1 Tes. 5:14-15                                              Tema : “Jadi Teman Man Kalak Si Kote”

Point-point penting & Garis Besar :

1.      Rasul Paulus nge si manteki perpulungen Tesalonika emaka ertanggung jawab ia guna terus mereken pengajaren man perpulungen e arah surat-suratna. Surat Paulus sipemena man perpulungen Tesalonika enda tujunna eme guna mpegegehi ras mpetetap ukur kalak Kristen I Tesalonika. Paulus mereken nasehat selaku teman bagepe selaku bapa rohani man kalak si tek I Tesalonika si ibas paksa e lit ibas paksa kote erkiteken masalah-masalah sosial bagepe njabab kebingungen ras penungkunen2 perpulugen e kerna kerehen Kristus si pedua kaliken.

2.      Ibas bagin ogen : 1 Tes 5: 14-15 enda lit piga-piga hal pengajaren siisehken ras ipindoken Paulus man perpulungen gelah berperan guna mengatasi masalah-masalah sosial si terjadi i Tesalonika, eme:

v  Gelah kalak si tek (perpulungen) ngasup jadi guru alu ngajarken kalak si perkisat sebab biak perkisat tentuna biak si la ngena ate Tuhan janah la payo sebab mabai geluh manusia jadi musil (Kuan2 10:4), janah kalak malas labo pernah seh kai siisurakenna (Kuan2 12:27). Lit piga2 kalak ibas perpulungen si salah memahami kerna kerehen Kristus si peduakaliken she maka lanai iakapna perlu erdahin sebab Kristus nandangi reh. Guna melurusken si e maka arah suratna enda Paulus ngajuk kalak si tek gelah mpersingeti dingen ngajarken kalak sibage.

v  Mpetetap ukur kalak si pebiar ras si kote dingen sabar nghadapi ise pe. Ertina Paulus ijenda ngajuk perpulungen gelah ngasup jadi motivator ras pendamping nandangi teman si lit ibas kebiaren, bagepe si kote, janah ipersingeti Paulus gelah sabar nandangi kalak sib age. Si  mekatep terjadi, adi lit kalak si malas, nggeluh ibas kebiaren ras kote, la kita sabar nghadapisa, tapi si junguti, si rawai dingen nembeh ateta. Arah teks ogen enda uga Moria ibabai gelah ngasup jadi pendamping si mehuli man ise pe, man teman bagepe jadi pendamping ras motivator man anak-anakta, ngajarkenca alu kesabaren.

v  Ncidahken kualitas kiniteken alu berani tampil beda, la mbalas kesalahen kalak tapi sebalikna ngasup erbahan si mehuli man ise pe (ay.15). Ertina ibas bagin enda ipersingeti kita maka kualitas kiniteken kalak si tek teridah arah keleng atena man ise pe, la ngenca man kalak si mehuli tapi pe man kalak si ngelakoken kesalahen. Tugas kalak si tek labo menghakimi, ngukum ras jadi hakim nandangi temanna manusia  aminna pe temanta e ngelakoken kesalahen, si kote, tapi sebalikna tugas kalak si tek mabai teman, keluarga ntah ise pe si nggo ngelakoken kesalahen bagepe si kote dingen erbebe gelah itehna kesalahenna alu “ngajarkenca” bagepe mpersingetisa alu kesabaren ras keleng ate gelah ia pulah ibas masalah, kekoten dingen perbebenna nari.

3.       I tengah-tengah masyarakat sekelewetta mekatep nggo si jumpai kalak si kena HIV AIDS ntah pe narkoba, bagepe mungkin pendahinna la benar dingen la payo, jadi PSK ntah Wanita Penghibur erkiteken “malas” erdahin alu kerja keras. Arah teks ogenta enda kita ibabai labo guna jadi “imbang”, labo jadi “hakim” nandangi temanta, keluarga ntah pe kade-kadenta si nggo kena pinakit sosial, tapi justru kita ibabai gelah ngasup jadi pendamping si “membebaskan” kalak sib age pulah ibas perbebenna nari.

SELAMAT MELAYANI & TUHAN MEMBERKATI

 (Pdt. Jenny Eva Karosekali STh. M.Min)