BIMBINGEN PJJ 07-13 JUNI 2015 RG GBKP CENGKARENG (Pdt. Jenny Eva Karosekali STh. M.Min)

BIMBINGEN PJJ 07-13 JUNI 2015 RG GBKP CENGKARENG

(Pdt. Jenny Eva Karosekali STh. M.Min)

OGEN : MATIUS 23:23                                   Tema: “Nehken Persepuluhen Alu Pusuh Si Bujur”

LATAR BELAKANG

Ibas Pustaka Si Badia, kalak Farisi mekatep igambarken selaku kalak si ndaram-ndarami kesalahen ras si memusuhi Yesus. Farisi ertina “yang terpisah” emaka mekatep kalak Farisi  memisahkan diri ibas pengajaran bangsa si la Jahudi si ianggapna ‘mencemari’ idealisme tradisi Jahudi (lih. 1 Mak 1:11; 2 Mak 4:14). Ibas masa penganiayaan Raja Antiokhus, kaum Farisi tampil selaku kaum Jahudi si mpertahankan agama ras tradisi Jahudi. Melala ibas kalak Farisi e jadi martir (1 Mak 1:41). Emaka, Kalak Farisi mekatep igelari selaku Puritan Jahudi, janah jadi kelas terpandang ibas masa Jesus. Rasul Paulus pe mengakui dirina selaku Kaum Farisi si nggo tek nandangi kinikeken kula (lih. Kis 23:6).

Kalak Farisi ras Saduki si mekatep menentang pengajaran Jesus.

Penjelasen Teks :

Kelompok Farisi eme bagin ibas kalak Jahudi si megegeh kal mpertahankan Taurat Musa ras tradisi Musa si kemudian berkembang jadi arogan ibas menekankan formalitas si berlebihan nandangi aturen-aturen seremonial, rutinitas ras ritual keagamaan saja ngenca tapi ngelupaken si lebih penting, eme keleng ate, kebujuren ras keadilan. Enda me si ikecam Jesus. Ibas Matius 23 :23 si jadi pengogen PJJnta enda Jesus meng-kritik alu tegas guru agama Jahudi ras kalak Farisi si menurut pengidah ras penilaian Jesus eme kalak si pekulah-kulah, emaka nina Jesus man bana : “Andiko, cilaka kal kam ! Jesus mpersingeti guru-guru agama Jahudi ras kalak Farisi ibas ia mpersembahken persembahen persepuluhen ibas hal-hal si kitikna nari, eme arah mpersembahken sepersepuluh ibas ulih nuan jera, lenga ras serei, eme sinuan-sinuan jenis bumbu dapur si ulihna sitik ngenca janah labo meherga. Biasana ibas aturen agama Jahudi (Hukum Musa) ngataken maka kalak Israel arus nehken persepuluhen ibas hasil utama ibas ulih jumana, mis : gandum, anggur, rsd  bagepe hasil ternak /asuh-asuhen (Im. 27:30-32; Ul. 26:12), labo termasuk sinuan-sinuan kitik bagi siisengetken ibas ayat enda. Arah mpersembahken ulih juma sikitina nari,  ate kalak Farisi ras guru agama Jahudi enda ncidahken kepatuhenna si lebih man Dibata sebab lebih daripada tuntutan Taurat pe nggo ilakokenna. Alu bage nuduhken maka bage patuhna ras hebatna kalak enda ndalanken UU/Taurat.

Jesus mengecam alu tegas kai siilakoken kalak Farisi enda sebab ibas sikapna e nuduhken 2 hal, eme :

1. ‘pekulah-kulahna’ patuh man Dibata tapi situhuna kai si penting si arusna man ‘patuhen” la idalankenna, eme nehken keleng ate Dibata.
2. Pusuhna ibas nehken persembahen persepuluhen e pe labo alu pusuh si bujur ras labo alu motivasi si benar tapi gelah ipujiken kalak.

APLIKASI :

Nehken persembahen perpuluhen eme tanggung jawab kerina kalak si tek. Inti persepuluhan eme pengertin ras kesadaren maka Dibata nge si mada kerinana (Kel 19:5; Mazm 24:1; 50:10-12; Hag 2:9). Selaku Manusia si-itepaNa, kita rutang man Dibata untuk setiap hirupan nafas (Kej 1:26-27; Kis 17:28); jadi, kai pe si lit ibas kita labo banci sialoken adi la kin lebe (terlebih dahulu) ngalokenca ibas Dibata nari (Ayub 1:21; Yoh 3:27; 1Kor 4:7). Perpuluhen eme salah sada cara guna ngajarken man banta maka Dibata eme  prioritas nomor satu ibas kegeluhen. Palas Kata Dibata kerna Perpuluhen : "Haruslah engkau benar-benar mempersembahkan sepersepuluh dari seluruh hasil benih yang tumbuh di ladangmu, tahun demi tahun. Di hadapan TUHAN, Allahmu, di tempat yang akan dipilih-Nya untuk membuat nama-Nya diam di sana, haruslah engkau memakan persembahan persepuluhan dari gandummu, dari anggurmu dan minyakmu, ataupun dari anak-anak sulung lembu sapimu dan kambing dombamu, supaya engkau belajar untuk selalu takut akan TUHAN, Allahmu” (Ul. 14 : 22-23; Im. 27:30-33).) Kata Dibata ngataken man banta maka situhuna si tipu kap Dibata adi la sipersembahken persembahen persepuluhenta (bdk. Mal. 3:8). Isuruh Dibata kita guna nguji Ia ibas pemere-pemere si icurcurkenNa man banta: “Babalah persembahen persepuluhenndu ku Rumah pertoton asa arusna maka melala ije pangan. Ujilah Aku alu si e, tentu idahndu maka Kutalangi tingkap-tingkap i langit…” (Mal. 3:10). Ertina nehken persembahen persepuluhen man Tuhan eme tanda kepatuhen, kesetiaan ras pengataken bujurta sebab nggo leben Tuhan masu-masu geluhta jadi labo erkiteken “ke-arusen”, labo erkiteken alasen “wajib hukumnya” seh maka akibatna jadi “beban” ntah pe terpaksa. Ibas kita nehken persembahenta arusna erpalasken keriahen ukur sebab alu bage erbahanca meriah ukur Tuhan (Bdk. II Kor. 9:7)

Kepatuhen ras kesetiaan ibas nehken persembahen persepuluhen e arus reh ibas pusuh ukur ras motivasi si bersih, gelah ula ndabuh kita kubas kesalahen siilakoken kalak Farisi ibas ogen PJJnta enda pekulah-kulah ibas kepatuhenta man Tuhan ras ncidahken kehebatenna ibas ndalanken aturen ras UU Tuhan guna ndatken pujin ibas manusia nari, labo erkite-kiteken kepatuhenna man Tuhan ras erkemalangen man Dibata. Tuhan ngataken man banta maka: "Sekalak-sekalak arus maba persembahen, rikutken kengasupenna, sue ras pasu-pasu si enggo ibereken Tuhan Dibatandu” (Ulangan 16: 16b -17). Ertina iajuk kita guna nehken persembahen sue ras pemere si nggo ibereken Dibata man banta sekalak-sekalak janah ngasup min kita mereken hak Dibata gelah banci ipakeken guna pelayanen ras pendahin gereja Tuhan. Sebab arah persembahen persepuluhen ras persembahen-persembahenta ku Rumah Pertoton Tuhan kerina program pelayanen ras Tri Tugas Gereja banci erdalan subuk ibas Runggun, Klasis she ku Moderamen.

                                       SELAMAT MELAYANI & TUHAN MEMBERKATI