BAHAN PA MORIA RUNGGUN GBKP CENGKARENG TANGGAL 16- 22 MARET 2014

BAHAN PA MORIA RUNGGUN GBKP CENGKARENG

TANGGAL 16- 22 MARET 2014

Bahan   : KEJADIN 2:18-24

Thema  : “ JADI TEMAN SI COCOK”

Metode : SHARING

Penjelasan Teks :

Ay. 18 : Ayat enda nuriken maka manusia eme makhluk sosial, manusia perlu teman/ kalak si deban, teman/lawan guna berinteraksi. Emaka nggeluh erteman, hidup saling membutuhkan, si sampat-sampaten eme pendilo Dibata man banta ibas nepa kita. Adi riahen siakap si sada ras la nggit kita erteman ras ise pe janah nggeluh sisampat-sampaten berarti kita la nehken pendilo Tuhan man banta.

Ay.19-20 : Kenca itepa Dibata Adam, ras iperlengkapiNa kerina isi doni enda, alu nepa rubia-rubia ras kerina tinepaNa si deban, iberekenNa kerina si mehuli ras kuasa man Adam guna njagai ras ngusahai tinepaNa tapi iidah Dibata maka lenga kuh kegeluhenna selaku manusia. Janah ibas kerina tinepaNa si deban, si nggo itepa Dibata e iidahNa maka sada pe lalit jadi teman si cocok man bana guna nampati ia. Enda me alasen Dibata nepa diberu gelah jadi teman si cocok man perbulangenna dingen jadi penampat nandangi perbulangenna.  Alu kata si deban enda me “Pendilo Dibata”  ibas nepa kita selaku diberu eme jadi “penampat” / penolong bukan “perong-rong”.  Adi sedekah enda kita justru jadi “perong-rong” man perbulangenta berarti kita lenga ngasup ndalanken ras nehken pendilo Tuhan ibas geluhta.

Ay.21- 22: ijenda ituriken kerna proses uga Dibata njadiken diberu selaku teman man Adam. “IbahanNa ntabeh pertunduh manusia ndai”, ayat enda nuduhken maka Dibata nge si netapken ise si jadi teman man manusia ndai janah manusia ngaloken teman si nggo itetapken Dibata man bana. Ayat enda mereken pemahamen man bantam aka perbulangen ntah ndeharanta eme si nggo itetapken Dibata jadi teman geluhta. Diberu ijadiken Dibata ibas tulan rang-rang dilaki nari, ertina gelah dilaki ngaloken dingen ngkelengi diberu si jadi ndeharana selaku bagin ibas dirina nari. Engkai maka ibas tulan rang-rang nari ? Bapa gereja, Aurelius Agustinus njelaskenca alu sebuah sajak :

Wanita diciptakan dari tulang rusuk pria

Bukan dari kepalanya untuk menjadi atasan

Bukan pula dari tulang kaki untuk dijadikan alas

Melainkan dari sisinya untuk menjadi mitra sederajat

Dekat pada lengannya untuk dilindungi

Dan dekat di hatinya untuk dicintai

Ertina Dibata njadiken diberu ras dilaki la si ganjang teruken tapi sejajar, sederajat, labo lebih rendah ataw lebih tinggi.

Ay. 22-24: Ibas bagin ayat enda ituriken erti “diberu” rikutken Pustaka Si Badia. Igelari diberu erkiteken ibuat ibas dilaki nari. Janah teridah ijenda uga riahna ukur Adam ngaloken teman si nggo ibereken Dibata man bana emaka nina: Enda nge maka nggo payo (cocok). Perkataan Adam ncidahken pengakunna maka diberu siibereken Dibata man bana eme teman si payo, tepat dngen cocok man bana, dingen iakuina maka diberu siibereken Dibata eme bagin ibas dirina nari.

Bagin si jadi ogenta enda mereken persinget man Moria selaku diberu dingen selaku ndehara kerna alasen Dibata njadiken dingen nepa diberu, maka kita itepa Dibata alu tujun gelah jadi teman si cocok ras jadi penampat man perbulangennta. Tek kita maka perbulangenta e pemere Dibata si nggo itetapken Dibata jadi “teman geluhta” emaka siupayakenlah guna tetap berupaya “jadi teman si cocok” aminna gia lit mungkin si jumpai  biak/sifat perbulangenta si la bagi ukurta, dingen berupaya guna jadi penampat man bana, aminna gia mbue kekurangen perbulangenta, sebab  e me pendilo Dibata man banta ibas nepa kita selaku diberu.

Selamat Melayani, Tuhan Memberkati (Pdt Jenny E KS )