BAHAN PJJ 11 - 17 MEI 2014 RG. GBKP CENGKARENG

BAHAN PJJ 11 - 17 MEI 2014  RG. GBKP CENGKARENG

OGEN : Lukas 13:10-17                        Tema :”Budaya Karo Ibas Terang Kata Dibata”

KATA PERLEBE :

GBKP selaku gereja si berlatar belakang suku Karo, ibas ncidahken dirina la terlepas arah pengaruh budaya Karo, mulai kin pantek GBKP unsure-unsur budaya Karo, mis: bahasa Karo, ras unsur-unsur budaya Karo si debanna tetap iupayaken janah ipake jadi sarana guna petandaken Dibata man kalak Karo. Selaku gereja suku, GBKP nggeluh, tading, bersinggungan ras menata organisasi dingen pelayanenna la terlepas ibas budaya local (Karo), tapi tetap nehken fungsina eme nerangi Budaya Karo ibas terang Kata Dibata.

Penjelasen Teks Ogen : Lukas 13:10-17

Bagin teks ogen enda  nuriken kerna uga Jesus mpekena pemahamen kalak Jahudi si la payo kerna UU janah kai si nggo jadi tradisi ibas kalak Jahudi. Piga-piga point penting si banci siidah arah teks ogenta eme :

1.     Tupung Jesus ngajar I Rumah Pertoton sanga wari Sabat, iidahna sekalak diberu si enggo 18 tahun dekahna bangger, iulahi setan seh maka  dagingna mbengkung, lanai ngasup tedis pajek (Ay. 10). Ngidah si e ipepalem Jesus diberu e alu namaken tanNa kubabona, jenari minter ia tedis pajek, janah ipujina Dibata (Ay. 12-13). Siidah ijenda Jesus alu demonstratif ncidahken tujun ras Misi PelayanenNa reh ku tengah-tengah doni enda. Tujun kerehen Yesus eme maba berita pembebasen ras keselamatan,  salah sadana eme ibas kuasa iblis nari. Kai siilakoken Jesus man diberu singgo 18 tahun iulahi setan e, erbahanca diberu e pulah ibas perbeben ras kiniseranna.

2.     Tindakan simehuli siilakoken Jesus  justru  peturah reaksi negatif ibas pengulu rumah pertoton nari, merawa ia erkiteken ipepalem Jesus diberu e tupung wari Sabat sebab ibas aturen agama Yahudi,  wari sabat la banci erkai pe seakatan ersembah man Tuhan. Apai ka keadaan diberu e labo ibas keadaan sekarat/ nandangi mate. Sebab wari Sabat eme wari pengadin Tuhan njadiken doni enda ras kerina isina. Bagepe sada perintah gelah bangsa Israel mpebadiaken wari sabat ras ibas wari e la banci erdahin (band. Kel. 20:8-11).  Emaka kai siilakoken Jesus ijenda ianggap  pelanggaran nandangi aturen  agama (Ay. 14).

3.     Jesus mengkritik alu ngataken maka pengulu R. Pertoton e eme kalak si pekulah-kulah alu ncidahken uga kalak Jahudi la konsisten ibas ndalanken UU kerna wari Sabat sebab sada pihak ngelarang kalak erdahin, tapi ipihak sideban ia  tetap erdahin, khususna ibas peluar lembu ras kelede guna ibere minem (Ay.15). Adi lembu pe banci ipeluar guna ibere minem ibas wari Sabat, tentuna diberu  siitaban setan e pe banci ibebasken. Adi asuh-asuhen pe iperdiateken apaika manusia.

4.     Ijenda Jesus mereken  wawasan ras pemahamen si berbeda kerna wari Sabat. Ibas  penjelasenNa Jesus mereken penekanen kerna masalah "itaban" ras "ipulahi". “Diberu enda ndai nggo 18 tahun dekahna “itaban  Iblis”, ma patut nge ia “ipulahi” ibas wari Sabat ?” (Ay. 16). Alu kata si deban Jesus mereken erti si mbaru ijenda kerna wari Sabat, eme wari pembebasen, mulahi kalak si lit ibas tabanen (memerdekakan), labo sebalikna wari Sabat ipake guna jadi alasen tetap mpediat kalak lit ibas tabanen (terbelenggu).   Sabat justru wari si tepat guna mulahi diberu enda ndai ibas kuasa ras tabanen Iblis nari, janah arah tindakan Jesus e ihadirken Kerajaan Dibata si dem kuasa. Perbahanen si mehuli labo banci “libur”.

5.     Peraturan arusna ibahan guna  memudahkan pelayanan, labo guna menghambat. Jesus nggo ncidahken kai si man pekenan ibas pemahamen  kalak Jahudi si salah kerna aturen ras tradisi Sabat, ndalanken kekelengen, mulahi kalak si tertaban lebih utama ras lebih penting sebab justru ije teridah keleng ate Dibata ras ipuji kalak gelarNa.

APLIKASI

Ibas bukuna Christ and Culture, H. Richard Niebuhr ngataken maka lit 5 sikap kalak ngaloken budaya, eme :

1. Sikap Radikal : Kristus menentang Kebudayaan

Biasana si menganut sikap enda gereja-gereja pietism eras fundamentalis, emaka anti budaya, kerina si berkaitan ras budaya ianggap jahat. Lalit hubungenna kiniteken ras budaya, emaka arus ipilih antara Kristus ras budaya, adi nggo milih Kristus arus nadingken adat, tradisi ras budaya.

2. Sikap Akomodatif : Kristus Milik Kebudayaan

La ipertentangken budaya ras kiniteken, justru penganut sikap enda ndarami persamaan injil ras Kebudayaan

3. Sikap Perpaduan : Kristus di atas Kebudayaan

Pandangen enda ngataken maka Injil ras Kebudayaan saling mengisi. Kebudayaan la perlu ihapusken tapi ipaduken kubas kiniteken. Pandangen enda ianut gereja Katolik, emaka toleran nandangi pemujaan man para leluhur.

4. Sikap Dualis: Kristus dan Kebudayaan dalam Paradoks

Pandangen enda ngataken maka manusia nggeluh ibas 2 dunia:Kinirajaan surga bagepe doni sipeduaken eme msayarakat. Manusia idilo guna mpekena kebudayaan si lanai payo gelah reh ulina. Aminna gia doni enda ras gereja terpisah, tapi kalak Kristen wajib ngelai Tuhan baik i doni enda bagepe gereja. Penganut pandangen enda eme gereja2 Lutheran, cth. HKBP.

5. Sikap Transformatif : Kristus Memperbaharui Kebudayaan

Pandangen enda ngataken maka Kebudayaan e nggo tercemar iban dosa tapi erkiteken Kristus nggo menang naluken dosa emaka kiniteken man Kristus e arus kritis ras selektif nandangi kebudayaan si lit. Unsur2 kebudayaan si la sesuai ras Injil Kristus  arus itulak/itadingken tapi lit ka unsur2 kebudayaan tetap siialoken alu mentranformasiken Injil kubas kebudayaan e (Penganutna gereja2 aliran Calvinis: GBKP, GKJ)

Kita la banci pulah ibas budayanta nari,  janah selaku kalak Karo kita “melekat” ibas adat ras budaya Karo. Kehadiran GBKP  tentuna arus ngasup pepinter ntah pe nerangi budaya Karo ibas terang Kata Dibata gelah ngawan perpulungen cerdas ras ngasup mbedaken unsur-unsur tradisi ras budaya si lanai sue ras Kata Dibata. Perlu kal sibedaken apai unsur adat, budaya ras apai ka unsur tradisi ras kiniteken si ndekah guna njagai “kemurnian kiniteken perpulungenta man Jesus Kristus gelah ula sempat terjadi percampuren kiniteken ibas ngawan GBKP. Ngawan GBKP iiarapken ngasup erkiniteken man Jesus janah jadi sira ras terang ibas peradaten kalak Karo, nadingken si lanai sue ras Kata Dibata dingen memfungsiken Kata Dibata guna nerangi ras ibas ndalanken budaya ras adat ibas kegeluhen si tep-tep wari. Si nggo itulak GBKP janah ianggap la merupakan unsur adat/budaya tapi nggo lanai sue ras terang Kata Dibata sue ras TAGER 2005-2015, Tata Disiplin, Bab I, Kepercayaan, ayat 2 eme: erpangir ku lau,  berdukun, ndilo wari udan, nengget, cabur bulung, make jimat, penglaris, rsd. Kerina kebiasaan2 si lit unsur kepercayaanna ibas la banci ilakoken, namaken sen ibas peti kalak si mate, alu ngataken : “gelah dolatndu tading ibas kami”, mindo pasu-pasu ras toto man si mate, ngerana ras ngataken “Selamat Jalan” man si mate, enda la sesuai ras kinitekennta sebab kalak si mate lanai bo banci notoken, masu2 ras ngerana, tapi ibas nehken kata kita ngerana man keluarga siitadingken gelah megegeh ibas kecedan atena (baca: Setialah 18, hlm. 125-126).

 (Pdt. Jenny Eva Karosekali STh. M.Min)