BAHAN PA MAMRE TGL 13-19 JULI 2014 RG GBKP CENGKARENG

BAHAN PA MAMRE TGL 13-19 JULI 2014 RG GBKP CENGKARENG

  Ogen :Masm. 23: 1-6                                             Tema : “Mpermakani Isi Jabu”

Point-point penting & Garis Besar :

1. Masmur enda isina eme kerna pengakun kiniteken Daud kerna keleng ate Tuhan ija igejapkenna ras igambarkenna peran Dibata bagi sekalak permakan. Erkiteken Daud pe sekalak permakan emaka ietehna kal alu jelas tugas ras tanggung jawab sekalak permakan emaka igambarkenna Tuhan selaku Permakan gelah melukah iakapna naksiken uga kin peran Dibata si Dibata si nggo ialamina ibas geluhna.
2. Arah teks ogen enda teridah piga-piga point penting si jadi perenungen kerna peran Dibata selaku permakan :

v  Ayat 1-2 : Pemasmur nggejapken erkiteken Dibata jadi permakanna emaka yakin ia terjamin kegeluhenna, la kekurangen sebab ibabaiNa ku mbal-mbal si meratah ras kempak lau si teneng permalerna, ertina Peran Permakan teridah ijenda njamini kebutuhen geluh siipermakanina, la muas melihe sebab terjamin kerina kebutuhenna.

v  Ay.3-4: Permakan mereken rasa aman janah mengarahken (mabai) kubas dalan si payo (pinter) dingen mehuli. Permakan si mehuli (si tuhu-tuhu) iupayakenna keselamaten biri-birina janah ngasup ngasamken kesahna tapi permakan si la mehuli (permakan upahen) adi lit bahaya (ancaman serigala), dirina nge lebe iselamatkenna (bdk. Yoh. 10:11-13).

v  Ay. 5-6 : Sekalak Permakan arus lit biak melias dingen dem keleng ate ibas ia seh maka tetap ukur kalak siipermakanina.  Kehadiren Permakan mereken jaminen kesejahteraan man siipermakanina.

3. Gambaren Tuhan selaku Permakan e si melias, dem alu keleng ate, mereken rasa aman dingen mperdiateken ras menjamin kebutuhen geluh, keselamaten ras kesejahteraan biri-biriNa agekalah min penggejapen jabu-jabu kalak Kristen. Sue ras tema PA Mamre enda, selaku Mamre, Bapa I tengah-tengah jabu  nggo nge jadi permakan si mehuli dingen ngasup mpermakani isi jabu ? Arah ogen ras tema PA Mamre enda mereken kesadaren dingen ngajuk Mamre gelah ertanggung jawab desken sekalak permakan ibas ngasuhi, ngepkep ras numpak-numpak isi jabuna. Kehadiren Mamre selaku permakan si ertanggung jawab arusna ngasup :

Ø  Ngasup mperdiateken ras nikapken kebutuhen nggeluh ras kesejahteraan isi jabu.

Ø  Mereken rasa man/nyaman man isi jabuna, labo sebalikna justru kehadirenna ka  erbahanca la tenang rasa man iakap isi jabuna. Nggo nge Mamre mbabai ketenangen ras keharmonisan ibas jabu ?

Ø  Mengutamakan keselamaten isi jabuna alu jadi contoh/usihen/teladan si mehuli si mabai isi jabuna kubas dalan sipinter/payo. Sebab adi permakan biri-biri, ia erdalan arah lebe, janah biri-biri e erdalan arah pudina emaka adi lit bahaya si menghadang arah lebe pe ia nge lebe ngalakenca, janah adi erdalan arah lebe tentu ia man ikuten.

Ø  Itandaina alu payo biak2 anggota jabuna sebab permakan si tuhu2 itandaina biri2na ras iikutken biri2na e katana (bdk. Yoh. 10:14-16)

Ø  Ncidahken biak melias dingen dem keleng ate man kerina isi jabuna. Adi sekalak permakan irawat dingen ipekena-kena biri2na si sakit she malem, nggo nge Mamre mediate, ncidahken biak keleng ate nandangi kerina kondisi si terjadi ibas jabu ?

4. Adi Mamre selaku bapa nggo jadi Mamre si erkemalangen man Tuhan ras tuhu-tuhu ertanggung jawab jadi figur permakan man isi jabuna maka tentu mahan bana meriah dingen malem ate kerina anggota isi jabu janah njamini tercipta kegeluhen jabu si harmonis, jadi jabu si ipasu-pasu Tuhan (bdk. Masm 128:1-4).

SELAMAT MELAYANI & TUHAN MEMBERKATI

 (Pdt. Jenny Eva Karosekali STh. M.Min)