BAHAN PJJ 13
-19 JULI 2014 RG GBKP CENGKARENG
OGEN
: Roma 8:1-11 TEMA :“Nggeluh Bujur Ras Benar”
Tujun: Gelah Ngawan
ni perpulungen :
- Meteh kearusen nggeluh selaku
kalak Kristen.
- Nggeluh (pentar) ibas pemabai
Kesah Si Badia.
- Nggeluh bujur ras benar ibas
situasi si kugapana pe.
Penjelasen Teks Ogen : Roma 8:1-11
Ay. 1-3 : Persadan ras Kristus Jesus enggo mulahi kita ibas biak
dosa ras kematen nari. Dibata enggo ngukum dosa si rurat ibas biak kula manusia
alu nuruh AnakNa eme Yesus Kristus ku doni ibas tempas manusia si erdosa, jadi
seri ras manusia guna naluken dosa. Enda me si mpengasup kita ras biak kulanta
si kote e guna ngelawan ras naluken kuasa dosa ras kematen.
Ay. 4-5 : Maksud ras tujun Dibata ngukum dosa eme gelah kalak si
tek man Kristus Jesus lanai nggeluh rikutken sura-sura ukur manusia tapi
rikutken Kesah Si Badia. Kalak si nggeluh rikutken peraten Kesah nggeluh alu
ndalanken sura-sura Kesah labo sura-sura daging, i dalankenna si mehuli si lit
ibas Undang-undang.
Ayat 6-8 : Adi kalak nggeluh rikutken sura-sura ukur manusia
pusuhna ikuasai sura-sura daging. Sebalikna adi kalak nggeluh rikutken
sura-sura Kesah, pusuhna ikuasai sura-sura Kesah. Kalak si ikuasai sura-sura
ukurna perlawesna kempak kematen. Tapi kalak si ikuasai sura-sura Kesah Dibata
nggeluh me ia dingen malem pe atena. Pusuh si ikuasai sura-sura ukur manusia
ermusuhen ras Dibata. Kalak si nggeluh rikutken sura-sura ukur manusia la
ngasup erbahan si ngena ate Dibata.
Ay. 9-11 : ibas bagin enda penting kal sipahami maka kai si ringan
ras si ngkuasai pusuh ukur manusia mempengaruhi uga ia nggeluh ras ndalani
kegeluhenna. Adi pusuh ras ukurta iingani ras ikuasai Kesah tentu geluhta eme
nggeluh rikutken kai siisuraken Kesah e. Bage pe sebalikna, adi sura-sura ukurta
(kedagingenna) nge si ringan ras si ngkuasai pusuh ras ukurta tentu kita
nggeluh rikutken sura-sura dagingta jine. Kalak si iiani Kesah Kristus ia
sikerajangen Kristus. Adi Kristus ringan ibas kita, aminna kulanta mate pe tapi
tendinta tetap nggeluh. Dibata pasti mereken geluh si mbaru man kulanta si arus
mate e, arah KesahNa si ringan ibas kita.
PENGENANNA/ APLIKASINA :
1. Kalak si ersada ras Kristus seri ertina ras nggeluh ibas Kristus dingen Kristus nggeluh ibas ia. Emaka ibas pusuh kalak si tek ringan Kesah Si Badia. Ia jadi sekerajangen Kristus. La nai ia ras sura-sura ukurna si ngkuasai dirina tapi Kristus. Paulus pang naksiken man kalak si nterem maka ia lanai nggeluh rikutken sura-sura ukurna (dagingna) tapi geluhna nggo rikutken sura-sura Tuhan emaka nina : “Lanai aku si nggeluh, tapi Kristus kap si nggeluh ibas aku. Kegeluhenku si genduari ibas doni enda kegeluhen erkiteken kiniteken man Anak Dibata, si engkelengi aku dingen ngendesken diriNa man gunangku” (Galati 2:20). Tangkas dingen jelas nge man banta maka kita si kerajangen Kristus, dingen KesahNa si badia ringan dingen nggeluh ibas kita? Ntah dekahen nge si lupana? Mekatep kita lupa maka kita sekerajangen Dibata kap, mekatep siakap kita nge si mada geluhta, emaka mekatep denga ka kita nggeluhken kegeluhenta ras ndalani wari-warinta bagi sura-sura ukurta saja nge si bahan. Teks ogenta enda mpersingeti kita gelah kita sadar maka geluhta enda si kerajangenNa kap emaka sidalanilah uga kearusen geluh kalak si nggo jadi sikerajangen Dibata.
2. Kegeluhenta si genduari lanai ibas dosa, lanai iteruh ukumen, tapi enggo ipulahi ibas biak dosa ras kematen nari alu Kesah Kristus. Erkiteken si e maka harus sisadari, kearusen nggeluh kalak si nggo itebusi ibas dosa nari eme kegeluhen kalak si tek man Kristus, si arus mbiar/ciga erbahan dosa. Sabab dosa nge si perehken ukumen man banta. Kalak si tek man Kristus ergegeh ras erkuasa lako nimbak ras ngelawan dosa. Labo alu gegehta jine silawan kuasa dosa, tapi tek kita maka gegeh Kesah Si Badia si lit ibas kita e mpengasup kita ngelawan dosa sebab gegehen kap kuasa Kesah si lit ibas kita e asangken gegeh dosa e jine (sebab kuasa dosa nggo italuken Kristus).
3. Selaku kalak si tek, tetap nge kita ngalaken tantangen ras ujin. Ibas dirinta jine lit peperangen kepentingen. Eme kepentingen sura-sura ukurta ras kepentingen sura-sura Kesah Si Badia. Duana perimbang (la banci erteman). Duana desken lau ras minak, la banci ersada. Sura-sura ukurta maba ras nuju kematen, sura-sura Kesah maba ras nuju ku bas kegeluhen si tuhu-tuhu ras malem ate. Si apai si menang ras si mbelinna tergantung man banta. Apai si asuhi ras si bere nakan, dingen si bere erkuasa dingen ngkuasai kita tentu eme si menang ras si mbelinna. Adi Kesah Si Badia si bere ringan dingen erkuasa ibas pusuhta tentu erkuasa ras reh mbelinna Ia ibas dirinta janah erbanca kita ngasup nggeluh rikutken sura-suraNa. Kalak si nggeluh rikutken sura-sura Kesah tentu mabai geluhta kubas keriahen, kemalemen ate (bdk Gal. 5:22-23) janah perlawesna tentu kempak kegeluhen si la erkeri-kerin. Tapi sebalikna adi kita nggeluh rikutken sura-sura daging (sura2 ukur manusia perlawesna kempak kematen. Tentuna kuja ateta sibabai perdalan geluhta, pilihenna lit ibas kita sekalak-sekalak, saja ngenca rikutken teks ogenta enda ndai jelas kita iarahken gelah nggeluh kegeluhenta selaku kalak si tek, nggeluh rikutken sura-sura Kesah, nggeluh alu bujur dingen benar.
4. Selaku kalak si enggo ersada ras Kristus arus meteh kearusen nggeluh ras orat nggeluh. Nggeluh badia, nggit itegu-tegu, ibabai ras iatur Kesah Si Badia, ndalanken kekelengen janah muat bagin alu aktif ibas dahin-dahin gereja eme pulung, ersaksi ras ngelai enda me piga-piga kearusen nggeluh ras orat nggeluh kalak Kristen.
5. Tema: Nggeluh Bujur ras Benar (Hidup Benar, Jujur dan Adil). Arah tema enda sidat sada makna bahwa la bias terjeng si eteh ngenca kerna kearusen nggeluh kalak si tek. Tapi pe arus si dalanken ibas geluh ras kegeluhenta. Ibas kerina dampar ras situasi kegeluhen si lit i sekelewetta, nggeluh bujur ras benar enda me si arus iusahaken ras iperjuangken anak-anak Tuhan. Adi la gundari, ndigan nari kita nggeluh bujur ras benar, aminna gia kita nggeluh ibas jaman si melala terjadi kelabenaren ras kebujuren kita ituntut justru jadi contoh ras teladan ibas kebenaren ras kebujuren. Kalak si tek arusna jadi contoh&usihen ibas nggeluh bujur ras benar. Aminna gia I sekelewetta melala kecurangan2 ras biak2 si menghalalkan segala cara guna mencapai tujun tapi kalak si tek ituntut arus jadi pelopor guna me-revolusi mental biak2 si la payo si lit isekelewetta, kita arus jadi si arah lebena ibas nggeluh bujur ras benar. Guna si e marilah si bere dirinta ikuasai gegeh kuasa Kesah si Badia gelah kita ngasup tetap nggeluh rikutken sura-suraNa
PENGENANNA/ APLIKASINA :
1. Kalak si ersada ras Kristus seri ertina ras nggeluh ibas Kristus dingen Kristus nggeluh ibas ia. Emaka ibas pusuh kalak si tek ringan Kesah Si Badia. Ia jadi sekerajangen Kristus. La nai ia ras sura-sura ukurna si ngkuasai dirina tapi Kristus. Paulus pang naksiken man kalak si nterem maka ia lanai nggeluh rikutken sura-sura ukurna (dagingna) tapi geluhna nggo rikutken sura-sura Tuhan emaka nina : “Lanai aku si nggeluh, tapi Kristus kap si nggeluh ibas aku. Kegeluhenku si genduari ibas doni enda kegeluhen erkiteken kiniteken man Anak Dibata, si engkelengi aku dingen ngendesken diriNa man gunangku” (Galati 2:20). Tangkas dingen jelas nge man banta maka kita si kerajangen Kristus, dingen KesahNa si badia ringan dingen nggeluh ibas kita? Ntah dekahen nge si lupana? Mekatep kita lupa maka kita sekerajangen Dibata kap, mekatep siakap kita nge si mada geluhta, emaka mekatep denga ka kita nggeluhken kegeluhenta ras ndalani wari-warinta bagi sura-sura ukurta saja nge si bahan. Teks ogenta enda mpersingeti kita gelah kita sadar maka geluhta enda si kerajangenNa kap emaka sidalanilah uga kearusen geluh kalak si nggo jadi sikerajangen Dibata.
2. Kegeluhenta si genduari lanai ibas dosa, lanai iteruh ukumen, tapi enggo ipulahi ibas biak dosa ras kematen nari alu Kesah Kristus. Erkiteken si e maka harus sisadari, kearusen nggeluh kalak si nggo itebusi ibas dosa nari eme kegeluhen kalak si tek man Kristus, si arus mbiar/ciga erbahan dosa. Sabab dosa nge si perehken ukumen man banta. Kalak si tek man Kristus ergegeh ras erkuasa lako nimbak ras ngelawan dosa. Labo alu gegehta jine silawan kuasa dosa, tapi tek kita maka gegeh Kesah Si Badia si lit ibas kita e mpengasup kita ngelawan dosa sebab gegehen kap kuasa Kesah si lit ibas kita e asangken gegeh dosa e jine (sebab kuasa dosa nggo italuken Kristus).
3. Selaku kalak si tek, tetap nge kita ngalaken tantangen ras ujin. Ibas dirinta jine lit peperangen kepentingen. Eme kepentingen sura-sura ukurta ras kepentingen sura-sura Kesah Si Badia. Duana perimbang (la banci erteman). Duana desken lau ras minak, la banci ersada. Sura-sura ukurta maba ras nuju kematen, sura-sura Kesah maba ras nuju ku bas kegeluhen si tuhu-tuhu ras malem ate. Si apai si menang ras si mbelinna tergantung man banta. Apai si asuhi ras si bere nakan, dingen si bere erkuasa dingen ngkuasai kita tentu eme si menang ras si mbelinna. Adi Kesah Si Badia si bere ringan dingen erkuasa ibas pusuhta tentu erkuasa ras reh mbelinna Ia ibas dirinta janah erbanca kita ngasup nggeluh rikutken sura-suraNa. Kalak si nggeluh rikutken sura-sura Kesah tentu mabai geluhta kubas keriahen, kemalemen ate (bdk Gal. 5:22-23) janah perlawesna tentu kempak kegeluhen si la erkeri-kerin. Tapi sebalikna adi kita nggeluh rikutken sura-sura daging (sura2 ukur manusia perlawesna kempak kematen. Tentuna kuja ateta sibabai perdalan geluhta, pilihenna lit ibas kita sekalak-sekalak, saja ngenca rikutken teks ogenta enda ndai jelas kita iarahken gelah nggeluh kegeluhenta selaku kalak si tek, nggeluh rikutken sura-sura Kesah, nggeluh alu bujur dingen benar.
4. Selaku kalak si enggo ersada ras Kristus arus meteh kearusen nggeluh ras orat nggeluh. Nggeluh badia, nggit itegu-tegu, ibabai ras iatur Kesah Si Badia, ndalanken kekelengen janah muat bagin alu aktif ibas dahin-dahin gereja eme pulung, ersaksi ras ngelai enda me piga-piga kearusen nggeluh ras orat nggeluh kalak Kristen.
5. Tema: Nggeluh Bujur ras Benar (Hidup Benar, Jujur dan Adil). Arah tema enda sidat sada makna bahwa la bias terjeng si eteh ngenca kerna kearusen nggeluh kalak si tek. Tapi pe arus si dalanken ibas geluh ras kegeluhenta. Ibas kerina dampar ras situasi kegeluhen si lit i sekelewetta, nggeluh bujur ras benar enda me si arus iusahaken ras iperjuangken anak-anak Tuhan. Adi la gundari, ndigan nari kita nggeluh bujur ras benar, aminna gia kita nggeluh ibas jaman si melala terjadi kelabenaren ras kebujuren kita ituntut justru jadi contoh ras teladan ibas kebenaren ras kebujuren. Kalak si tek arusna jadi contoh&usihen ibas nggeluh bujur ras benar. Aminna gia I sekelewetta melala kecurangan2 ras biak2 si menghalalkan segala cara guna mencapai tujun tapi kalak si tek ituntut arus jadi pelopor guna me-revolusi mental biak2 si la payo si lit isekelewetta, kita arus jadi si arah lebena ibas nggeluh bujur ras benar. Guna si e marilah si bere dirinta ikuasai gegeh kuasa Kesah si Badia gelah kita ngasup tetap nggeluh rikutken sura-suraNa
SELAMAT
MELAYANI & TUHAN MEMBERKATI
(Pdt. Jenny Eva Karosekali STh. M.Min)
Tidak ada komentar:
Posting Komentar