BAHAN PJJ 29JUNI – 5 JULI 2014 RG GBKP CENGKARENG

BAHAN PJJ 29JUNI – 5 JULI 2014 RG GBKP CENGKARENG 

OGEN : Kuan2 15:31-33                                                         TEMA :“Erlajar Segedang Geluh”

Tujun: 1. Gelah Ngawan ni perpulungen Erkemalangen man Tuhan eme palas ndatken kepentaren. 2. La medu-medu guna terus erlajar ibas kegeluhenna.

Latar Belakang :

Kitab Kuan2en eme kumpulen Kitab2 Hikmat, si isina  kerna pengajaren agama ras ajaren uga arusna ndalani kegeluhen si tep-tep wari alu payo, dingen nggeluh alu pentar. Inti ibas kerina Kitab Kuan-kuanen eme : Kuan2 1: 7  sinuriken maka ulu, kerina pemeteh ras palas kepentaren eme erkemalangen man Tuhan. Alu hikmat ras kepentaren si rehna bas Dibata nari nge si erbahanca kita ngasup ngaturken kegeluhenta alu mehuli dingen mabai kita kubas keberhasilan geluh ras kebenaren Dibata.

Penjelasen Teks Ogen : Kuan2 15:31-33

Ay. 31-32 : Bagin ayat enda nuriken kerna perbedaan si mendasar kerna ciri-ciri kalak pentar ras si la pentar. Kalak pentar ijenda igambarken eme kalak si nggit megiken ajar janah nggit ipandang (ikoreksi) sebab arah nggitna ia megiken ajar janah nggit ikoreksi mahan bana reh pentarna ia sebab itehna kai si man pekenan ibas dirina seh maka reh meningkatna pemeteh ras kualitas dirina. Sebalikna ituriken ijenda maka kalak si la nggit megiken ajar iumpamaken selaku kalak si la nggit ngergaken bana (la ngergaken dirina sendiri) sebab la nggit mpekena si man pekenan ibas dirina jine.

Ay. 33 : Inti ibas kerina Kitab Kuan-kuanen eme Erkemalangen man Tuhan eme ulu kerina pemeteh ras kepentaren (Kuan2 1:7). Ibas bagin ayat endape itegasken mulihi kerna point penting enda, maka palas persekolahen eme erkemalangen man Tuhan, janah palas ndatken kehamaten eme rukur meteruk, sebab adi meteruk ukurta la ngenca manusia ngergakennca, Dibata pe ipeganjangkenNa kita. Adi kalak si meganjang ukur, nggo iakapna beluh bana, emaka lanai bo nggit dingen perlu akapna erlajar, la nggit ia megiken ajar ibas ise nari pe janah labo teralokenna adi ikoreksi/ipandang.

Engkai maka ikataken Erkemalangen man Tuhan e palas persekolahen ? Alasenna eme erkiteken Dibata me si nggo njadiken kerina si nasa lit alu pemeteh ras kepentaren si la terjului ras terbaboi ise pe. Ertina pemeteh ras kepentaren si lit I doni enda terbatas ras la ngasup ngantusi ras mbaboi kepentaren Dibata si la terbatas e. Erkiteken Dibata me ulu kerina kepentaren ras pemeteh emaka gelah kita banci pentar ndalani kegeluhen enda emaka arus kita malang man Tuhan gelah iberekenNa man banta hikmat ras kepentaren si rehna ibas Dibata nari. Erkemalangen man Tuhan ertina: patuh, taat ndalanken kerina si iperentahkenNa ras ndalanken sura-suraNa ibas kerina dampar geluhta. Arah nggit megiken kai siajarken Tuhan arah kataNa bagepe mengevaluasi diri (nggit ipandang/ikoreksi) alu Kata Dibata, mabai kita reh pentarna ndalani kegeluhen enda rikutken si ngena ateNa. Ibas ndalani kegeluhen enda kita labo pernah ngadi erlajar (long life education), la lit batasen umur, ertina seh ujung geluh terus merupakan proses erlajar (sue ras tema). Perdalanen geluh eme proses pendidiken, nambahi wawasen dingen menimba pengalamen, si nempa manusia reh dewasana, janah adi sidalani geluhta alu mbiar dingen erkemalangen man Tuhan jadi palas persekolahenta tentu mahan bana kita reh pentarna dingen semakin bijak ibas ndalani kegeluhenta. Arah bahan PJJ nta enda ibabai kita gelah la ermedu-medu guna terus erlajar ibas kerina dampar geluhta, subuk secara formal bagepe informal, arah nggit terus ngoge, ngikuti kursus2, pelatihan/pembinaan, seminar/lokakarya bagepe arah perdalanen/pengalamen geluh si tep-tep wari si mereken pembelajaren/pendidiken non formal man banta gelah reh beluhna ndalani kegeluhen. Sue ras teks ogennta arus sidalani geluhta alu erkemalangen man Tuhan jadi palas persekolahenta sebab kalak si erkemalangen man Tuhan pasti meteruk ukurna, emaka labo iakapna nggo mbuesa pemetehna, ntah nggo lebih kepentarenna, alu kiniteruken ukur, nggit kita terus ngakui kelemahenta ras keterbatasenta emaka nggit terus erlajar nambahi pemeteh, nggit megiken/ngaloken pengajaren, nggit ipandang/ikoreksi gelah reh pentarna ka asa si enggona (bdk. Kuan2 1; 5).

SELAMAT MELAYANI & TUHAN MEMBERKATI

                                        (Pdt. Jenny Eva Karosekali STh. M.Min)