BAHAN PJJ 7-13 SEPT 2014 RG GBKP CENGKARENG

BAHAN PJJ 7-13 SEPT 2014 RG GBKP CENGKARENG

OGEN : NEHEMIA 6:1-13                                                        Tema: Ula Erpekat erbahan Pertakin

Latar belakang:

Ope denga Nehemia menduduki jabaten Pemangku raja (bupati/gubernur) i Yerusalem kidekah 12 thn, ia sekalak juru minum raja Persia, eme Raja Artahsasta. Jabaten e merrupaken jabaten si cukup  terhormat erkiteken selaku juru minem raja aruslah kalak si terpercaya sebab ia me  penjaga makan ras  minem raja (Neh 1 : 1 – 3 : 10 – 17). Erkiteken kepedulian Nehemia nandangi kondisi bangsana ras kuta kemulihenna Yerusalem si tading reruntuhen emaka ertoto ia man Dibata dingen ipindokenna man raja gelah iberekenna ijin mbangun kutana mulihi. Rencana Nehemia e i pasu – pasu Tuhan emaka kedungenna i izinken raja Persia ia mulih ku Jerusalem dingen mimpin ras mbabai kalak Israel guna mbangun tembok Jerusalem mulihi ras membangun kegeluhen keagamaan kalak Israel (Neh 2 : 1 – 6 : 15).

Penjelasen TeksI

1. Ibas rangka pembangunan tembok Jerusalem eme Nehemia ngalaken erbage-bage hambatan/upaya penggagalan ibas musuh-musuhna nari, eme : ndatken penghinaan (4 : 1 – 6), tindaken kekerasan (4 : 7 – 23), intimidasi (4 : 11 – 14 ; 6 : 9 ; 6 : 5 – 9), tipu muslihat arah pertakin si ilakoken Sanbalat, Tobia ras Gesem, gelah kerina rencana Nehemia gagal ibas mbagun tembok Jerusalem (5 : 3 – 4 ; 6 : 1 – 19). Lit pe pertakin si ilakoken Sanbalat, Tobia ras Gesem eme guna munuh Nehemia gelah di kune Nehemia mate, maka pembangunen tembok e pasti gagal sebab Nehemia me pemimpin si i patuhi kalak Israel ibas mbagun tembok e.  
2. Lit telu kali upaya guna munuh Nehemia siilakoken Sanbalat ras Tobia  eme alu cara:

1.       Itenahkenna Nehemia gelah Nehemia erjumpa ras musuh-musuhna i Kefirim, i lembah Ono. Daerah enda letakna i dataren pantai sebelah tenggara kota Yafo. Daerah enda la daerah Yehuda. Tujunna perjumpan enda gelah Nehemia ibunuh i je. Tapi rencana enda iteh Nehemia, emaka la nggit Nehemia ku je.

2.      Sanbalat, Tobia ras Gesem erbahan isu man raja Persia, maka Nehemia ersura – sura jadi raja nandangi kalak Israel. Alu tujun gelah raja Artahsasta ngukum Nehemia ibas penghianaten si ilakokenna. Alasan enda isehken Sanbalat ras musuh-musuhna, alu sada sura-sura, Nehemia minter mbiar, alu bage nggit erjumpa ras musuh-musuhna guna erbahan arih-arih ras musuh-musuhna, gelah adi seh berita enda man raja Persia banci lit sada alasen guna ngataken man raja Persia, enda kerina la tuhu. Tapi sura-sura musuh-musuh e gagal. Sebab iteh Nehemia siding musuh-musuhna.

3.      Sanbalat,Tobia ras Gesem, nyogok nabi Semaya erbahan pertakin alu nuruh Nehemia bengket kubas ingan si Badia rumah pertoton kalak Israel, tapi Nehemia la nggit bengket kubas ingan si ikataken nabi Semaya erkiteken Nehemia sendiri meteh maka imam si mbelin ngenca banci bengket kubas ingan si badia e. Adi iikuti Nehemia pengajuk Semaya, maka sue ras hukum agama Yahudi, Nehemia harus ihukum mati (band. Bilangan 18:1-7), sebab nggo bengket kubas ingan si Badia, siikhususken man imam simbelin saja sibanci bengket i je. La banci kalak si deban, apai ka si la imam, jadi Nehemia nggo erdosa.

 Sura-ura musuh-musuh Yehuda enda iteh Nehemia kerina sebab Nehemia mbiar ras

 erkemalangan man Tuhan, emaka lit kepentaren ibas ia. Bagepe iteh Nehemia kerina e guna

 mengagalkan pembangunan tembok Yerusalem ras pintu gerbangna, sebab atena nerang

 bangsa  Yehuda. Ibas ngalaken kerina tantangan e teridah maka Nehemia memiliki karakter

 pemimpin si berkualitas, enda teridah arah :

1. Ketutusenna ibas ernalem man Dibata, emaka kai pe ialakenna alu ertoto bagepe erpuasa.  Teridah pe maka ia bermoral tinggi dingen njaga kebenaren erpalasken tuntunen Tuhan (Neh 4 : 4 -5).
2. Nehemia sekalak si berani ras terpercaya. Pang Nulak kerina perbahanen si la benar (Neh 6 : 11, 14).
3. Bijak/Pentar ibas mengatasi konflik, labo alu emosional  (Neh 5 : 8 – 13).
4. Dem alu pengarapen man Tuhan ibas ngalaken kerina tantangen (4 : 1 – 3).
5. La nggit kompromi emaka keputusen – keputusenna pe tuhu – tuhu bijaksana i barengi visi ras misi si jelas dingen ertanggungjawab ibas setiap dahin si ilakokenna dingen memiliki jiwa pengabdian si tinggi ibas mbangun Yerusalem sebage keinginen suci ibas pusuhna ibas pengajari Tuhan (4 – 6 : 11 – 14).
6. Mengorganisasi kerina kalak Israel rikutken fungsi utama guna ndatken hasil simehuli emaka ia memanfaatken team arah setiap suku kalak Israel (4 : 16 – 23, 5 : 8 – 11).

3.   Piga-piga Persinget man banta ibas bahan PJJ-nta sekali enda bagi pengarapen temanta“Ula Erpekat Erbahan Pertakin”  eme :

1. Erbahan “Pertakin” eme sada kejahaten si terencana ras biak si iblis. Biak si bage tentu la mehuli emaka selaku anak-anak Tuhan ula nai min kita erbahan pertakin ibas bentuk kai pe sebab ibas paksana kerina rencana si jahat pasti terbuka seh maka kita sendiri pagi kemalun.
2. Gelah kita Metenget Ibas kegeluhenta si genduari enda pe sebab tetap lit nge kalak si bagi Sanbalat, Tobia, si erbahan pertakin guna meneken kita ibas keriahen kegeluhen si dame, emaka ibas sie, perlu kel kita ernalem man Dibata ras ngendesken geluhta man Tuhan arah pertotonta  gelah banci kita pulah ibas rencana kalak si jahat man banta.
3. Erlajar guna tetap ngukurken kai si mehuli si ngena ate Tuhan sebab guna sie kap kita i pilih Tuhan jadi anak – anakNa, dingen ise si la ngukuri si mehuli situhuna perdosa kap ras kernep nge pagi erkiteken hukumen Tuhan.

     

Pertakin eme sada perbahanen singelawan Tuhan, sebab pertakin eme sada kejahaten. Emaka

kita selaku anak-anak Tuhan ula erbahan pertakin, apai ka erpakat erbahan pertakin.

SELAMAT MELAYANI & TUHAN MEMBERKATI