BAHAN PA MAMRE TGL 15- 21 FEB 2015 RG. GBKP CENGKARENG

BAHAN PA MAMRE TGL 15- 21 FEB 2015 RG. GBKP CENGKARENG

Ogen : KEJ. 1:26-28                                         Tema: “Tugas Ras Tanggungjawab Mamre GBKP”

Tujun : Mamre Meteh Tanggungjawabna Rikutken Tujun Dibata Nepasa E Me Ija Ia Hadir Maba Kiniulin

Penjelasen Teks :

Ibas kerina tinepa Dibata, manusia ngenca si sentudu ras tempas Dibata (gambar dan rupa Allah) ertina manusia merepresentasiken gambaren Dibata dingen mencerminken karakter-Na si badia ras keduduken-Na si erkuasa nandangi kerina tinepa-Na. Manusia ibere kengasupen jadi enterem (Kej.1:28); ibereken kuasa nandangi tinepa sidebanna (Kej.1:26); ibereken kengasupen guna ngusahai ras enjagai (Kej.2:15). Alu kata si deban, ibas Dibata nepa manusia seri ras tempasNa nuduhken man banta maka manusia:

 1. Istimewa ibandingken ras tinepa Dibata si debanna.

2. Mencerminkan/ncidahken citra Dibata

3. Mengemban tugas selaku wakil Dibata guna nguasai ras mpekena-kena doni ras isina.

Kitab Kejadin nuduhken maka ibas rancangen Dibata, nilai kegeluhen manusia ndauh mbaboi kerina tinepa sidebanna. Nilai kegeluhen siembusken Dibata kempak manusia la ngasup itandingi tinepa tah pe teknologi sierkembang. Uga pe canggihna ras cerdasna komputer la ngasup enjului kegeluhen manusia. Sebab Dibata jine ngembusken kesah kegeluhen kempak manusia. La lit mahluk entah pe materi sideban singaloken kesah kegeluhen bagi manusia.

Siperlu siinget maka ibas Dibata nepa sinasalit, termasuk manusia, kerina itepaNa tuhu-tuhu mehuli. La lit manusia siitepa Dibata la mehuli, Dibata la nepa manusia si jahat perukurenna ibas tangtangna itepa Dibata. Saja tempas Dibata e enggo ceda paksa manusia ndabuh kubas dosa. Manusia arus itransformasi ulihi kempak tempas Dibata mulihi. Adam sipemena mbabai kita kubas dosa siencedai tempas Dibata. Adam sipeduaken (Kristus) mbabai kita mulihken kubas tempas Dibata.

Perlu siinget maka kerina sinasa lit itepa guna Dibata, labo guna manusia, sebab manusia eme bagin arah tinepa Dibata. Selama enda manusia nggo “salah kaprah” sebab nggo menyalahgunakan kepercayaan si ibereken Dibata, manusia erpengakap maka lit hakna “nguasai” doni enda ras  kerina tinepa,  ije me letak cedana tatanan kegeluhen. Kerina arus ibaba mulihi kempak Dibata, Dibata si jadi pusat kerinana. Kesegambaren manusia ras Dibata eme soal hubungen manusia ras Dibata. Kemanusianta jadi benar adi hubungenta ras Dibata mehuli. Manusia eme wakil Dibata labo jadi gancih Dibata. Manusia ertanggungjawab man Dibata guna enjagai tinepaNa. Si mada tetap Dibata ras manusia eme mandataris-Na.

Dibata erbahan perencanaan si mehuli nandangi kehadiran i doni enda, eme guna mabai kiniulin nandangi doni enda ras man kerina tinepa. Dibata njadiken manusia termasuk Mamre segambar ras Dibata gelah kehadiranta (kehadiren Mamre) ijapape nggambarken kehadiran Dibata. Emaka haruslah kita menjaga kehadiranta sebagai mamre ijapape kita. Baik ibas persekutuanta bagepe ibas keseharianta, i kantor, i lingkungan, i pasar, i kerja-kerja gelah ula kari arah kita sebagai gambar Dibata i curnaken kalak Dibata. Kita tetap berusaha gelah arah kehadiranta turah kemalemen ate kalak, mabai kiniulin ku sekelewetta, sebab adi idah kalak kita idahna ka Dibata ibas kai pe silakoken kita.

Dibata njadiken manusia ndai dilaki ras diberu, janah sentudu ras tempasna. Hal enda ncidahken maka manusia (Dilaki-diberu) Dibata sinjadiken ca, sura-sura Dibata gelah ibas kehadiranna erbahanca kemalemen ate antara dilaki ras dibaeru, sebab duana jadi sada kini ersadan i tengah-tengah doni enda bagepe i tengah-tengah jemaat. Dilaki diberu duana terus jadi pasu-pasu nandangi sesamana (ay 28).

Dibata masu-masu manusia ndai alu ngataken ertuahlah jadi enterem dingen taluken doni enda (ay 29). Dibata pe nuruh manusia berkembang jadi enterem ras Dibata pe ngarapken gelah nerusken pendahin Tuhan erkuasa, dingen mpekena-kena tinepaNa, labo memusnahken ras ncedaisa.

Perbapaan GBKP eme Mamre gelarna, ibereken Dibata tugas ras tanggung jawab si mberat eme kuga ngaturken anak jabun ras ngaturken kerina silit bekas tinepa Dibata enda. Janah kita harus menjadi model sibanci itatap anak jabu bagepe jelma sienterem, gelah arah Mamre reh teremna manusia nandai Dibata, bagepe reh teremna kalak ngaloken berita simeriah, terlebih ibas kita nandangi mperingeti Jubelium 125 thn Berita Simeriah seh man banta kalak karo. Arah sienda dage mari sisehken tugas tanggung jawabta sebagai perbapan GBKP guna ngkelengi kerina tinepa Dibata,tapi si mulai ibas jabunta nari. Gelah arah kita reh ulinna kerina kai sienggo ijadiken Dibata termasuk lingkungan hidup sebab e jadi jaminan man sinursurta pagin. Kita erkuasa nandangi kerina sinasalit, sekaligus ertanggung jawab mpekena-kena kai si enggo jadiken Dibata gelah tetap jadi kini ulin man banta. Manusia (termasuk MAMRE) isuruh Dibata ertuah jadi enterem, ngingetken Mamre guna ertanggung jawab menghasilkan kesusuren si er kwalitas, si erkemalangen man Tuhan, si ngasup ncidahken tempas Dibata, si menghadirken Dibata arah kai pe siilakokenna, ras maba kiniulin ija ia hadir.

SELAMAT MELAYANI & TUHAN MEMBERKATI

                                                         (Pdt. Jenny Eva Karosekali STh. M.Min)