BAHAN PA MORIA TGL 08 – 14 FEB 2015 RG. GBKP CENGKARENG

BAHAN PA MORIA TGL 08 – 14 FEB 2015 RG. GBKP CENGKARENG

Ogen : Roma 8 : 20-25                                                              Tema: “Mpekena Tinepa Sienggo Kelsehen”

Tujun      : Gelah Moria : - Meteh uga kelsehenna tinepa Dibata

    - Reh nggitna mpekena-kena tinepa Dibata

Penjelasen Teks Ogen : Roma 8 :20-25

Teks ogen enda nuriken kerna pengarapen anak-anak Dibata. Paulus mereken semangat man kalak si tek gelah tetap erpengarapen ibas kerina bentuk kiniseran siialaken kita ibas doni enda.  Paulus mpersingeti perpulungen Roma maka selaku anak-anak Dibata, aminna gia nggeluh ibas erbage-bage bentuk kiniseraan doni enda, ras kelsehen, tapi kerina kiniseran si inanami e  labo sebanding ras kemalemen ate si pagin ipetangkas Dibata. Pengarapen nandangi kiniulin ras kemuliaan si bakal reh e erbahanca kita la talu tapi semangat.

Paulus nuriken maka la ngenca manusia si kelsehen tapi kerina si nggo ijadiken Dibata (tinepa si deban) radu ras kelsehen. Ibas Rom 8:22-27 Paulus ngerana kerna 3 jenis keluhan: Keluhan ciptaan (ayat Rom 8:22), kalak si tek /orang percaya (ayat Rom 8:23) dan Roh Kudus (ayat Rom 8:26). Kinatana doni tinepa Dibata e pe kelsehen ngalaken kiniseran erkiteken bencana alam akibat ulah/ dosa manusia (ayat Rom 8:20). Erkiteken si eme maka nggo iputusken Dibata  maka doni /alam semesta e pe pagi  itebus ras ibebasken Dibata pagi  emaka itepaNa mulihi langit ras doni si mbaru. Kerina si nasa lit si kelsehen e pagin ibebasken ibas kiniseranna dingen ngaloken pemulihan ( Rom. 8: 14, 23: bdk. 2Kor 5:17; Gal 6:15; Wahy 21:1,5). Kelsehen e igambarken desken “pernanden nandangi mupus”, ertina luar biasa suina. Tah maun bage me pe gambaren doni enda, ijah ijenda nggo nggejapken kinisuin si mesangat. Doni enda nggo sakit ras ceda erkiteken ulah ras kerangapen manusia si mengeksploitasi alam guna ndatken keuntungan tapi alu cara si merusak ras mencemari lingkungan.

Ipersingeti kita arah PA-nta enda maka ibas sada wari pagi ibebasken Dibata nge kerina sienggo ijadikenna……(ayat 21) enda pengarapenta nandangi wari sireh, wari pendungi, tapi taren-taren nimai wari Dibata e, selaku kalak sienggo iberekenNa tanggungjawab pekena-kena doni enda, kita la banci sinik ras nimai saja tapi arus aktif genduari nari  ngelakoken kai si banci silakoken guna mpekena doni si nggo ceda enda.  Langkah-langkah kai dage banci siban ?

1.       Mpeturah kesadaren ibas manusia maka manusia ras alam/lingkungan saling membutuhkan sue ras hukum ekosistem. Alkitab nuriken kerna kiniersadaan manusia ras alam ciptaan arah turin2 penciptaan: "Dibata nepa manusia ibas abu taneh nari” (Kej. 2:7), bagepe ijadikenna rubia-rubia ras perik-perik ibas abu taneh nari (Kej. 2:19). Kata manusia Ibas bahasa Ibrani: "adam", janah akar katana bali ras kata untuk tanah, "adamah", si ertina warna merah kecokelatan ( warna kulit manusia & warna tanah). Manusia itepa ibas abu taneh nari (Kej. 2:7; 3:19, 23), terpaksa erdahin alu curcur panasna dingen mperjumai taneh gelah mereken ulih man bana (Kej. 3:19,23), ibas taneh nari itepa janah mulihken ka ku taneh (Kej. 3:19; Maz. 90:3). Emaka adi manusia ncedai/menghancurkan alam/lingkungan e ertina seri ras ncedai dirina sendiri.

2.       Mpeturah kesadaren manusia kerna tugas ras tanggung jawabna selaku mitra ras teman sekerja Dibata guna mpekena-kena doni enda ras isina kerina.

3.       Membuang sampah pada tempatnya,

4.       Memanfaatkan barang-barang hasil daur ulang,

5.       Menghemat penggunaan listrik, air, dan BBM, serta,

6.       Menanam dan merawat pohon di sekitar lingkungan rumah tinggal, rsd.

Usaha pelestarian lingkungan arus imulai ibas tiap individu alu menitikberatkan kubas kesadaran kerna pentingna lingkungan ras pelestarian alam nandangi kegeluhennta manusia ras dalam rangka nehken tanggung jawabta man Dibata.

SELAMAT MELAYANI & TUHAN MEMBERKATI

Pdt. Jenny Eva Karosekali STh. M.Min.