BAHAN PA MORIA TGL 22-28 FEB 2015 RG. GBKP CENGKARENG (PA HDS I)

BAHAN PA MORIA TGL 22-28 FEB 2015 RG. GBKP CENGKARENG (PA HDS I)

Ogen :  Joh 13: 1-17                                                Tema: “Jesus Murihi Nahe Ajar-Ajar”

Penjelasen Teks Ogen : Joh. 13 :1-17

Teks ogen enda nuriken kerna uga Jesus selaku Anak Dibata nandangi ndungi tugasNa nehken keselamatan nandangi doni enda ras kerina manusia, janah itehNa maka nggo seh paksaNa nadingken doni enda dingen mulihken ku BapaNa. Ieteh Jesus maka Ia reh ibas Dibata nari janah nandangi mulih ku Dibata (ay. 3b). Peristiwa siituriken ijenda eme sada wari ope Wari Raya Paskah. Piga-piga point penting si banci sirenungken arah teks ogenta enda eme:

1.       Ibas Jesus lit kuasa guna meteh kai si nandangi jadi, sebab nggo ibereken Dibata kuasa kai pe man baNa (ay.3). Jesus meteh maka paksaNa nggo seh, sebab iblis nggo erdahin ibas pusuh Yudas Iskariot. Emaka paksa Yesus mburihi nahe ajar-ajarNa nina: ”kam kerina nggo bersih, sekalak ngenca lang”. Perkatan Yesus enda itujuken man Yudas sebab ietehNa maka Judas me si nandangi ndayaken Ia (ay.11).

2.       Jesus ncidahken kiniteruen ukur si luar biasa, si man usihen. Perbahanen Yesus murihi nahe ajar-ajarNa eme perbahanen simbolik. Itangtangi Jesus JubahNa, enda gambaren si ertina:  Jesus nangtangi (menanggalkan) “kedudukan/ posisiNa selaku Guru, jenari ibentingkenNa uis, ertina erperan selaku suruh-suruhen. Sebab Jubah e lambing “kebesaran” sementara “erbenting kibul” symbol “pelayan/ si ngelai”.

3.       Murihi nahe eme pendahin sekalak suruh-suruhen. Ibas dunia Israel kuno, sekalak suruh-suruhen wajib murihi nahe tuanna. Sebab paksa sie kerina dalan siidalani eme taneh ras “er-abu” emaka nahe jadi melket, biasana kenca seh i rumah sekalak suruh-suruhen harus lebe murihi nahe tuanna gelah bersih. Em sebabna paksa  Yesus murihi nahe Petrus, la ibere Petrus, sebab la metunggung iakapna,  sebab iidah Petrus Yesus la bo sekalak suruh-suruhen (budak), tapi Tuhan. Dahin e eme pendahin sirendah. Arah kai siilakoken Petrus ngatakenca, maka la bo kerina ajar-ajar Yesus ngasup ngangkai kai alasen Yesus murihi nahe-ajar-ajarNa.

4.       Jesus murihi nahe ajar-ajarNa, la bo erkiteken Yesus sekalak suruh-suruhen (budak) ajar-ajar, tapi lit tujunna eme:

v   Ngubah cara pandang masyarakat paksa sie, sekalak pemimpin arus ngasup mpeteruk bana, dem alu keleng janah nggit ngelai. Jesus mereken pengajaren kerna konsp si mbaru ibas paksa si e, eme Konsep pemimpin yang melayani (Servant Leader). Sebab subuk pemimpin ras suruh-suruhen seri nge. La lit siganjng teruken.

v   Gelah ajar-ajar banci ngusih kai siilakoken Jesus. Amin gia bas Jesus lit kuasa,  Ia me Guru ras Tuhan, tapi la e ipertahankenNa. nggit ngelai alu meteruk ukur ras dem keleng ate. Melala kalak justru ibas lit kuasana, pangkat ras jabatenna ipakena guna “petangtang-petengteng”, jadi bos dingen ngkuasai kalak si deban si iakapna lebih rendah asangken ia. Jesus ngajarken man banta guna jadi pemimpin si bermental “hamba/suruh-suruhen”.

5.       Ajar-ajar harus siburih-burihen nahe gelah malem atena. Enda nerangken maka adi tep-tep wari ajar-ajar siburi-burihen nahena maka tep-tep wari ia bersih. Sebab kalak singgo ridi berarti ia nggo bersih. Enda pe mengandung makna simbolik siningetken man banta maka tep-tep wari ajar-ajar arus mbersihken diri ras nadingken dosa, bagepe nerusken kai si nggo iteladanken Jesus, ngasup ka ngelai kalak si deban sebab Jesus nggo leben ngelai kita. Enda me palasna man banta ibas ngelakoken kai pe labo alu pamrih, la ngarapken balas tapi erkiteken nggo leben Jesus ngelai ras mereken si mehuli man banta. Adi sidalanken kai si nggo iteladanken Jesus, nggeluh alu meteruk ukur, dem keleng ate bagepe nggit ngelai (memiliki semangat melayani) tentu ngena ate kalak man banta, malem ateta janah terpuji gelar Tuhan.

SELAMAT MELAYANI & TUHAN MEMBERKATI

Pdt. Jenny Eva Karosekali STh. M.Min.