Suplemen Bimbingen PA Mamre Tgl. 12-18 April 2015

Suplemen Bimbingen PA Mamre Tgl. 12-18 April 2015

Ogen      :    Kolose 2:6-7

Thema    :    Tetap ersada ras rurat ibas Ia

Tujuan    :   

    Gelah Mamre meteh kerna 125 thn Jubelium GBKp

    Gelah Mamre ibas kegeluhenna tetap ersada ibas Ia

Tgl. 18 April 1890 BSM i beritaken man kalak karo i kuta buluh awar, ija nai N26 si pertama reh i belanda melalui minahasa sulawesi utara nari maba BSM e. Emaka kalak karo sebagai manusia ciptaan Dibata pe enggo megiken kata Tuhan Yesus, aminna gia labo mis kal BSM e teraloken kalak karo, sebab perberita simeriah eme belanda, sementara belanda paska njajah indonesia termasuk i kawasen deli serdang enggo erkuasa belanda penjajah. Tapi erkiteken kegigihen para missionaris meritakenca maka lambat laun kalak karo teralokenca BSM e. Emaka enggo 125 tahun Injil ndai seh ku kalak karo. Ras pe perkembangenna banci si idah gundari enggo hampir propinsi indonesia enda lit ije pajek GBKP si malem (Sumatera, jawa, bali, sulawesi ras kalimantan bagepe Nusa Tenggara). Aminna gia lenga kerina lit ije gerejanta pajek, tapi warga GBKP si tading i seluruh indonesia (sabang sampai marauke enggo lit). Luar biasa karya Tuhan Yesus nandangi GBKP simalem enda.

Biasanya kita ngaloken, adi ngaloken pasti lit simere sit singalo, janah sebagai kalak Krsiten adi ngalo kita harus lebei si ukuri eme : lit gunana man Dibata, lit gunana man bangku ras lit gunana man jelma sienterem, adina lit alokenlah, tapi adi labo lit labo man aloken sebab erbahan bahaya. Tetapi megati kal manusia asal ngalo saja labo ukuri na lebei mbages-mbages sialokenna e. Emaka piah arah sialokenna e bene ia, hancur ia bahkan kalak pe ikut jadi korban na. Kita kepeken ngaloken Kristus jadi Tuhanta, emaka sialoken kita eme BSM, eme keselamaten (Tuhan Yesus sialoken jadi Tuhan). Kristus eme Juruselamt, Tuhan eme pemimpin singaturken geluhta. Emaka kita enggo ngaloken Tuhan Yesus keselamatenta Ia jadi pemimpin, singatur kegeluhenta enda, emaka malem kal ateta.

Emaka nina Paulus adi enggo aloken Kristus jadi Tuhanta kuga kita ibas ndalani wari-wari kegeluhen enda? nina eme lima cara hidup sini ianjurkenna:

    a. Nggeluh ersada ras Ia

    b. Ruratlah kam ibas Ia

    c. Geluhkenlah geluhndu ibas Ia

    d. Reh gegehna kini tekendu

    e. Rusurlah ngataken bujur man Dibata

(a) Nggeluh ersada ras Tuhan,

ertina maka kalak Kristen kaipe ilakokenna harus ersukuten lebei ras Tuhan Yesus, baik jabu, usaha, dahin, juma ras sidebanna.

Misalna : sebagai perwarung ope denga buka warung e totoken lebei, kataken man Tuhan warung i buka pasu-pasu gelah sinukur reh, bagepe karaben tutup, kenca tutup, ertoto bujur man Tuhan enggo erdalan warung sada wari. Bage adi kita sopir tah pegawai, perjuma tetap awali ras akhiri alu toto. Anak-anak berkat sekolah ertoto, mulih sekolah ertoto.

Sebab labo kita ngasup erbahan kaipe adi lakin Tuhan, kita simerancang hasil Tuhan nentu kenca.

(b) Rurat ibas Ia; Biasana urat eme pertahanen batang, bagepe guna mencari makanan dalam tanah. Galang pe batang adi lalit uratna labo jadi kaipe jadi ranting ngenca. Tapi kitik pe batang adi lit uratna pastilah turah, semakin besar dunga erbuah. Bageme kiniteken e, kita harus bertahan ibas kiniteken man Yesus, sebab guncangan semakin banyak, tapi adi lit uratna tetap kokoh, sebab urat e mpertahanken pohon gelah la tumbang. Bageme kita pe Yesus pertahanenta emaka kita megegeh.

(c) Nggeluhken geluhndu ibas Ia; bas kegeluhen enda erbagai bagai si jadi bagepe nderpa kegeluhen, tapi kalak singgeluhken geluhna ibas Ia lai mbiar cilaka sebab Dibata kekuatenna (Maz 23 : 4; Yes 54 : 10), kai nari kebiarenta adi kita ngge ibas Tuhanta, Ia bentengnta sinteguh.

(d) Reh gegehna kini tekendu; kini teken perlu  terus i pegegehi alu rajin ertoto, rajin baca firman, rajin bersekutu sebab arah ertoto baca firman ras bersekutu me kita terus i pegegehiNa sebab doa dan pujian menguatkan iman, Firman sebagai pelita dalam gelap (Maz 119 : 105) ras bersekutu kita jumpa ras Tuhan bagepe anak-anak Tuhan

(e) Rusurlah ngataken bujur. ngataken bujur eme prinsip hidup kalak sierkiniteken sebab la bekas beluhna kaipe sijadi, harta tahta dan kuasa kerina e titipen ngenca, ras harta tahta labanci selamanya tapi ras Dibata kekal. Emaka kita enggo i pasu-pasu maka kita pe wajib ka nge masu-masu arah pengataken bujurta. Kuga gundari pengateken bujurta man Tuhan misalna. Persembahen minggu, PJJ, PA Mamre, persembahen ulang tahunta, ulang tahun anakta, ulang tahun perjabunta, persembahen bulanenta, persembahen raih ukurta, janji imanta....? apai belinen man Tuhan tah biaya, isap, kedei kopi, jajan tah seragamta....? man jadi pemikiren, tapi laksanaken terus