SUPLEMEN PA MAMRE 24-30 MEI 2015 RG. GBKP CENGKARENG

SUPLEMEN PA MAMRE 24-30 MEI 2015 RG. GBKP CENGKARENG

Pdt Jenny Eva Karosekali STh. M. Min.

Ogen : FILIPI 2:3-4                            Tema: “Ula Akapndu Ulin Kam Asangken Kalak Si deban”

Tujun : 1. Gelah Mamre ngasup ngidah teman pentingen, hagan asangken dirina..

           

Bena Kata :

Tupung surat enda isuratken Paulus man perpulungen i Filipi, perpulungen e sangana iperhadapken kubas kenyataan maka lit perpecahen ras perselisihen si terjadi erkiteken lit si mungkin la ngasup menahan diri guna mementingkan diri sendiri, antara lain antara Eudia ras Sintikhe si nampati Paulus ibas dahin meritaken Berita Si Meriah (bdk. Filp. 4:2-3). Rasul Paulus ngajuk perpulungen e gelah nggeluh bagi karakter Kristus, ermeteruk ukur gelah ula ibabai kerincuhen daging ras megombang man kalak si deban, si erpengakap maka ulin ia asangken kalak si deban.

Umumna, lit kecendrungen ibas manusia maka semakin berkuasa, semakin kaya, semakin populer, atau semakin berpengaruh akan semakin sulit merendahkan hati, apalagi merendahkan diri. Sifat ingin dihormati, ingin didengar, ingin dituruti kemauannya menempati porsi si semakin besar ibas diri manusia. Emaka sada hal si Ironis nge adi berkat  (pasu-pasu) sitanggapi alu keliru janah justru banci berubah jadi si la mehuli man banta. Pada dasarna, tiap kalak memiliki potensi guna meganjang rukur, aminna gia sekali labo lit prestasi kai pe si banci ibanggaken ibas dirina, apaika adi memang berprestasi ka kin ??? Pasti potensi e semakin besar ka ibas dirina. Emaka labo mengherankan adi ibas gereja dem alu kalak sibage tentu pelayanan gereja akan terhambat sebab dekahen sibuk ndungi masalah perselisihen/perpecahan si terjadi. Hal sibagenda rupa pe tentuna berlaku ibas jabu, perusahaan, ntah pe i tengah kegeluhen bermasyarakat. Kiniteruken ukur sangat penting ibas kegeluhen bersama.

Penjelasen Teks Ogen :  

1.      Ibas teks ogen PA Mamre enda Paulus mpersingeti perpulungen guna menciptakan kiniersadaan arih, kiniersadaan ukur ras kiniersadaan geluh ibas perpulungen sebab nggo lit idahna bahaya perpecahen ibas perpulungen e. Paulus ngajuk perpulungen Filipi gelah ngusih perukuren Kristus (Filp 2:5). Kristus eme teladan/ usihen si sempurna man banta guna mbangun sikap si mehuli, erlajar ibas kiniteruken ukur ras ibas keleng ate. Jesus labo pernah ngelakoken kai pe erpalasken kerangapen ntah erpalasken ukur meganjang, tapi sebalikna ilakokenNa.  Aminna gia lit ibas Ia biak Dibata, erkuasa dingen ermulia bali ras Dibata tapi itadingkenNa kerina si lit ibas Ia e dingen nggit Ia peteruk baNa (Filipi 2:6-7).

2.      Guna banci peturah kiniersadaan ibas perpulungen maka menurut Paulus biak si arus ibeneken ibas kita nari eme :

-          Biak rangap : Kalak si rangap labo pernah ngukurken temanna, kai pe atena man bana saja, adi perlu sikerajangan kalak pe jadi sikerajangenna atena janah guna sie ngasup ia menghalalkan segala cara guna ndatkenca. Biak merangap tentu lalap ersura-sura meneken kalak si deban janah ndauh nge ia ibas keleng ate.

-          Biak meganjang ukur /sombong : Kalak si bage biasana nokoh man kalak si deban, kitik akapna kalak kerina, janah ulin iakapna ia asangken kalak si deban. Biak sibage tentuna mahan bana ras ise pe labo ia ngasup ersada. 

-          Biak egois (mementingkan diri sendiri): kalak sib age kepentingenna nge si lalap ngenca ukurina. Motto geluhna : gundera sala gundera buluh belin kubenturi, kutera kalak kutera beltekku mbelin kubesuri. Labo ia sempat ras terkena guna ngukuri ras mperdiateken kepentingen kalak si deban.

Kerina biak  e sumber perpecahen ibas perpulungen emaka iajuk Paulus gelah ibeneken ibas kegeluhenta nari.  Uga cara menekenca ? Alu menumbuhken Kesadaren ras ngasup  ngidah ras mengakui kelebihen ibas kalak si deban labo natap kempak kekurangenna saja mahan bana kita la pang guna sombong ras meganjang ukur, sebab uga hebatna kita tetap nge lit kekurangen ras kelemahenta janah sebalikna ibas uga kecilna pe kalak siidah tetap nge lit kelebihen ibas ia. Alu meneladani Kristus kita erlajar guna mperdiateken kepentingeen kalak si deban sebab Kristus nggo nggo leben mperdiateken kita.

3.      Sebalikna biak si arus ipeturah guna menciptaken kiniersadaan ibas perpulungen eme :

-          Biak Meteruk ukur (Kerendahan Hati) : Kalak si meteruk ukur ras ise pe banci ersada, ise pe teralokenca, labo pernah ulin akapna asangken kalak si deban. Kalak si meteruk ukur labo pelebeken dirina ras kepentingenna tapi ngasup ngukuri kepentingen kalak si deban. Adi kinteruken ukur ikembangken ibas perpulungen tentu labo mesera guna mbangun persadaan ras kiniersadaan. Nggeluh ibas persadaan pasti mabai perpulungen nggeluh sikeleng-kelengen, sisampat-sampaten, si erga-ergan ras saling mperdiateken sada ras si debanna.  Perpulungen si ersada pasti erbahanca perpulungen e megegeh dingen paguh.

4.      Arah tema ras ogen PA Mamre enda mabai Mamre gelah ngasup ngidah ras nggejapken maka penting kap kalak si deban ibas geluhna. Uga pe hebatna ras beluhna kita, harus sigejap ras sisadari maka lit keterbatasenta, kekurangen ras kelemahenta. Ibas kekurangen ras kelemahenta e perlu kita kalak si deban guna ngelengkapi, nampati kita.

 SELAMAT MELAYANI & TUHAN MEMBERKATI

(Pdt. Jenny Eva Karosekali STh. M.Min)