SUPLEMEN PA MORIA TGL 03 -09 MEI 2015 RG. GBKP CENGKARENG

SERMON PA MORIA TGL 03 -09 MEI 2015 RG. GBKP CENGKARENG

Ogen : 1 SAMUEL 2:26; 3:19-21                   Tema:“Anak Si Ngena Ate Tuhan ras Manusia”

Penjelasen Teks, Point ras Garis besar :

1. Samuel iendesken Hana nandena gelah jadi pelayan ras sikerajangen Tuhan mulai kin kitik-kitikna nari, kenca ia ngadi minem.  Ia anak pertama ibas keluarga Elkana ras Hana, keturunan Lewi si tading i daerah Efraim janah merupaken anak siialoken Hana ulih pertotonna man Tuhan. Emaka ia ipersembahkan man Tuhan tupung kitikna nari nggo iendesken guna erdahin ibas Rumah Pertoton iteruh pengawasan Eli selaku imam besar i Silo (bdk. 1 Sam 1:24-28).  Silo eme sada ingan pusat kegiatan religius si nggo ibangun sejak jaman Yosua. Tupung paksa kepemimpinan imam Eli, Israel lit ibas kondisi si menyedihkan. Bangsa Israel nggeluh berbalik ngelupaken Tuhan ras ngelakoken kai si benar menurut pengakapna jine.  Di samping si e, Samuel nggeluh i tengah-tengah lingkungan si mengabaiken ketetapan Tuhan, bagi siilakoken anak-anak imam Eli, Hofni ras Pinehas. Selaku imam, Hofni ras Pinehas nggeluh ngelakoken si la ngena ate Tuhan janah la bermoral. Tapi situasi enda la erpengaruh kubas kegeluhen Samuel, sebab Samuel terus erbelinna janah erngenana ate Tuhan ras manusia man bana (1 Sam. 2:26). Ertina pertoton nandena Hana, pemeliharaan Tuhan njagai Samuel ibas pengaruh si la payo si lit I sekelewetna. Pesan moralna : uga kita Moria selaku nande terus tutus ertoto dingen mabai anakta gelah tetap megegeh ngelawan pengaruh-pengaruh negative si terjadi i sekelewetta, aminna gia pengaruh lingkungen e luar biasa tapi adi megegeh si bentengi anak-anakta alu toto ras pengajaren si mehuli alu la erngadi-ngadi mahan bana anak-anakta la terjerumus kubas lingkungan si la mehuli e, seh maka la ngenca manusia si erngena ate man Samuel tapi Dibata pe.

2. Tuhan ndilo Samuel untuk pertama kali guna mpeseh Firman Tuhan kerna malapetaka si nandangi jadi i Israel ras man keluarga Eli.  Tuhan mpersiapken Samuel jadi nabi guna yang mbaba pesanNa ku tengah-tengah bangsa Israel.  Samuel nehkenca kerina kai siipeseh Tuhan man bana, idalankenna peranna selaku nabi Tuhan alu nehken pesan Tuhan man imam Eli.  Aminna gia mberat iakapna mpeseh ukumen Tuhan man imam Eli, tapi selaku nabi si ipercayaken, Samuel harus ngatakan kerina kebenaran.  The true prophet must speak Yahweh’s word. Lalit siibunikenna.

3. Ay. 19-21 : Tuhan tetap ras Samuel janah isehkenNa kerina siikataken Samuel, emaka kerina bangsa Israel meteh dingen tek maka Samuel tuhu-tuhu sekalak nabi. Bagem cara Tuhan meyakinken bangsaNa guna mengakui ”fungsi kenabian” Samuel dingen mpercayakan jabatan nabi man Samuel seh maka adi ngerana kenca Samuel kerina Israel megikenca.

4. Arah ogen ras Tema PA Morianta minggu enda : ”Anak Si Ngena Ate Tuhan Ras Manusia” mpersingeti kita Moria guna ergiah-giah mpersiapken masa depan anak-anakta gelah jadi generasi penerus si nggeluh bagi si ngena ate Dibata ras manusia. Kai si arus silakoken selaku nande eme: la erngadi-ngadi ertoto (jadi tiang doa) notoken anak-anakta dingen ngajari ia terus menerus alu pengajaren si mehuli gelah :

1.    Terbangun karakter si mehuli ibas dirina seh maka la melukah ipengaruhi pengaruh2 negatif si lit isekelewetna.

2.    Anak-anakta bergaul erat ras Tuhan seh maka jadi anak-anak si mbiar man Tuhan. Emaka Tuhan njaga dingen ngkawali anak-anakta, bagi Samuel ndai reh belinna ia janah Tuhan tetap ras ia.

3.    Anak-anakta peka nandangi sora Tuhan, bagi Samuel aminna gia awalna la iangkana ras la jelas man bana mbedaken sora Dibata ras iakapna imam Eli si erlebuh man bana, tapi dungna tangkas man bana dingen nggit ia ngaloi pendilo Tuhan man bana.

4.    Tetap kita la erleja-leja dingen menyerah selaku orang tua, aminna anakta e lenga bagi ukurta dingen lenga serta bagi si ngena ate Tuhan, teruslah siajari ras sitotoken sebab lalit si metahat ibas Tuhan guna ngubahken anak-anakta. Gelah ula kita erkadiola bagi imam Eli si la ngenca anak-anakna ndatken ukumen tapi kerina keluargana.

SELAMAT MELAYANI & TUHAN MEMBERKATI

Pdt. Jenny Eva Karosekali STh. M.Min