SUPLEMEN PA MAMRE 19-25 JULI 2015 RG. GBKP CENGKARENG Pebrianika Br Karo

SUPLEMEN PA MAMRE 19-25 JULI 2015 RG. GBKP CENGKARENG

Pebrianika Br Karo

Ogen : Perb. 18 : 1-3                  Tema : “Pakeken Talentandu guna ncukupi keperlunndu !”

Tujuan: 1. Mamre makeken talenta si lit i bas ia guna ningkatken ekonomi jabuna.

              2. Mamre ngasup jadi pelopor peningkaten ekonomi keluarga ras jiwa kewirausahaan.

Penjelasan Teks Ogen :

1.      Ibas teks ogen PA Mamre enda nuriken kerna Perdalanen Paulus i Korinti kenca lawas i  kuta Aten nari.  Tupung Paulus i Korinti jumpa ia ras sekalak Yahudi emekap Akuila bage pe ras ndeharana Persila. Akuila ras Persila enda lawes ku Korinti i Roma nari perbahan ipelawes kaisar Roma emekap Klaudius. Perbahan ipelawes kaisar Klaudius kerina kalak Jahudi silit ibas Roma emaka lawes me Akuila ras ndeharana Persila ku Korinti janah ibas ingan e ia jumpa ras Paulus si reh ibas Aten nari (ay. 1-2).

2.      Kegeluhen Paulus i pakaina guna meritaken berita simeriah, ija ibas Perbahanen Rasul-Rasul enda ituriken mengenai perdalanen Paulus ku kota-kota seh ku Jerusalem. Ibas ogen Mamre enda ituriken kerna Paulus i Korinti janah pendahin si idahiken Paulus guna ndatken sen untuk biaya geluhna. Sebagai sekalak rasul, la ibenarken adina nerima sen ibas khotah-khotbah entah pe paksa ngajar bage pe nyusahken kalak si deban emaka ibas Paulus meritaken berita si meriah e labo pernah ia nyusahken kalak sideban. Tapi ia memanfaatken talenta si lit ibas ia emekap erbahan tenda-tenda/tukang kemah (ay. 3) janah Paulus enda beloh erbahan kerajinan-kerajinan tangan sidebanna.

3.      Paulus bekerja sama ras Akuila bage pe Persila erbahan tenda janah ibas wari sabat Paulus tetap ngejar bagepe meritaken berita si meriah (ay.3). ibas pendahinna, Paulus labo mpebayak bana tapi ia erdahin guna ncukupi keperlunna, ia erdahin tapi tetap meritaken berita si meriah, ia la ngayaki keduduken tapi ia erdahin sesuai ras talenta bage pe pemetej si lit ibas ia. Arah Ogen PA Mamre enda ncidahken perjuangenna ibas meritaken berita si meriah, ia la nggit jadi peminta-minta tapi ia berusaha ndumi keperlunna alu usaha bagepe alu memanfaatken talenta si lit ibas ia. Kemandirian si icidahken Paulus jelas teridah arah pendahinna, janah la ia nggit nyusahken kalak si deban eme bukti kemandirianna ibas ia meritaken si meriah. Paulus kalak si tek man Dibata, janah ia tek ibas kerina pendahinna Dibata si masu-masu ia.

4.      Setiap manusia pasti nge lit sada kelebihen silit ibas ia, pasti nge lit sada talenta si lit ibas ia. Tapi si jadi masalah labo permasalahen lit ntah lang talenta e, tapi nggit entah lang menggunaken talenta si lit e. Paulus menggunaken talenta na guna memenuhi keperlunna, aminna ia lawes ku kota-kota janah la ia mbiar ndalankenca sebabna ia beloh makeken talenta si lit ibas ia, emaka ia labo kekurangen ibas ia meritaken berita si meriah. Arah perjumpan Akuila bagepe Persila ras Paulus, teridah maka kalak enda tetap berusaha aminna gia ipelawes I Roma nari tapi ngasup ia ngebuktiken bahwa ia ngasup erjuang guna ndumi kebutuhan geluhna arah pendahinna. Arah bahan enda maka iarepken maka Mamre ngasup mempergunaken Talenta si lit ibas dirina guna ningkatken perekonomian ibas jabu. Banci sinen contoh na emekap Paulus, aminna ia lawes ku ingan si ndoh tetap ia geluh arah usahana emekap jadi tukang tenda. Bagepe Akuila ras ndeharana Persila si tetap erjuang ibas perbebenna. Arah ndalanken sada dahin aminna kitik adi itutusi, itekuni, maka dahin e pe banci erbuah meramis. Janah ibas pendahin e pe tujun utama labo mpebayak diri sendiri tapi banci ka arah pendahin e si sehken kekelengen.