SUPLEMEN PA MORIA 19-25 JULI 2015 RG. GBKP CENGKARENG Pebrianika Br Karo

SUPLEMEN PA MORIA 19-25 JULI 2015 RG. GBKP CENGKARENG

Pebrianika Br Karo

Ogen : Lukas 14 : 28-33                                                         Tema : “Makeken Kepentaren”

Tujuan : 1. Ngidah pengajaren Jesus kerna uga makeken kepentaren.

               2. Pentar makeken ulih kepentaren (IPTEK) guna perdamen

Penjelasen Teks Ogen :

1.      Ibas teks ogen PA Moria enda nuriken kerna “sarat-sarat jadi ajar-ajar Yesus.” Tupung Yesus erdalan, enterem kalak si ngikut-ngikut Ia janah ituriken Yesus adi kalak si ngikutken Ia harus nge belinen kekelengenna man Dibata asangken man bapana ras nandena bage pe ndeharana (luk. 184 :25-26). Janah ngerana Yesus man kalak e mengenai kalak si atena erbahan menara bage sekalak raja si lawes atena erperang. Si tuhuna dua perumpaman si ipake Yesus e ningetken kerja uga kalak si merhat ngikutken ia (berjalan bersama Kristus) ay. 28-32.

2.      Menurut Yesus, adi kalak si ngikut Ia harus ngasup mersan kayu persilang janah ibas ngelakoken e labo nukah. Emakana harus ngasup mempertimbangken kerna ngikut Yesus e, sebabna adi ngikut Ia labo semangat ngenca iperluken tapi ketutusen ibas mersan kayu persilangNa. Ngikut Yesus e harus I ukuri alu mbages alu kepentaren si lit ibas kalak si ngikut Ia, gelah alu bage kalak si ngikut Ia tuhu-tuhu meteh kerna konsekuensi/resiko si arus itanggung ibas ngikut Yesus.

3.      ibas ayat 28-32 ituriken kerna sekalak si atena mbangun sada menara. Ibas mbangun sada menara emaka perlu ipikirken kerna anggaren si iperluken ibas mbangun menara e, sebabna adi la ipikirken kerna anggaren e tentu banci saja kurang janah hasilna lolo bangunen e. janah banci jadi icakapken kalak perbahan lolo. Emaka ibas mbangun menara harus ipake kepetaren guna mempertimbangkenca. Ibas perumpaman si peduaken, eme kerna sekalak raja si lawes atena erperang, ibas ia erperang tentuna sekalak raja harus pentar ibas ngatur strategi guna ngelawan musuh. Sebab adi raja la pentar ibas mempertimbangken strategi maka banci saja ia talu ibas pertarungen.

4.      Alu dua perumpaman si ipake Yesus e, ncidahken man banta kerna kalak si ngikut Yesus harus ngasup make kepentarenna guna ngukuri kais i harus itanggung. Janah arah perumpaman e, ate Yesus ngatakenca bahwa kalak si pentar pasti la buru-buru ibas ngelakoken sada hal termasuk ibas ngikutken Yesus.

5.      Ibas kegeluhen zaman genduari, melala pemeteh-pemeteh si canggih janah ibas kondisi si e maka perlu kel si pakeken kepentaren si lit ibas kita manusia. Ibas ogen PA Moria maka ituriken kerna kepentaren si ikataken Yesus man kalak si ngikutken Ia. Moria iarapken maka n gasup makeken kepentaren ibas ndalani kegeluhen ibas zaman genduari, arah berbagai pengetahuan si canggih maka iarapken Moria ngasup memanfaatken pengetahuan e guna hal si mehuli, sebab sieteh maka kepentaren si lit ibas kita e rehna idur Dibata nari. Setiap manusia pasti perlu memperlengkapi dirina alu pemeteh-pemeteh, tapi ibas sie maka perlu sipake kepentaren si rehna arah Dibata nari.