BAHAN PA MORIA TGL 03-09 AGUST 2014 RG GBKP CENGKARENG

BAHAN PA MORIA TGL 03-09 AGUST  2014 RG GBKP CENGKARENG

Ogen : KUAN2 31: 13-17                                            Tema: PENTAR MAKEKEN WAKTU

Penjelasen teks Ogen: Kuan- Kuanen 31: 13-17

Perikop enda nuriken kerna sisi mulia sekalak ndehara. Kitab Kuan2 enda ncidahken 2 hal, eme:

1.       Hikmat/ kepentaren la ngenca lit ibas dilaki. Hikmat eme pemere Dibata man kerina kalak. Dilaki ras diberu bali iadep-adepen Tuhan.

2.       Ndehara si cerdik ijenda eme ndehara si menyadari penuh pendilo Dibata ibas geluhna emaka guna me-respon positif pendilo Tuhan e, idalankenna peranna la ngenca selaku pendamping man perbulangenna, sekaligus pengelola rumah tangga she maka ngasup ia ningkatken ekonomi jabuna alu makeken kerina talenta/potensi dirina.

Perikop enda nuriken maka Peran ndehara la sederhana, adi sekalak ndehara ngasup menempatkan dirina selaku ndehara si cerdik/bijak, maka mbelin kal pengaruhna subuk man keluargana bagepe masyarakat. Ndehara si cerdik penalemen perbulangenna, emaka idaman kerina perbulangen nge adi bijak/pentar ndeharana. Peran ndehara ibas jabu labo kalah penting sebab ndehara eme nande ibas jabu, tiang tinande man kerina isi jabu. Adi sikap dingen paguh tiang ingan jabu e tertande tentu njamini maka sikap jabuna.

Piga-piga gambaren si icidahken  ibas ogenta enda kerna ndehara si cerdik eme :

Ayat 13-14 : Ndehara si cerdik ras bijak  ibas bagin enda igambarken mejingkat ras erbintuas, labo santai-santai saja ngarapken perbulangenna. Erbintuas nggambarken sikap ulet ras nggit kerja keras alu pentar ngaturken waktu, ras meteh kai si idahikenna si banci menguntungken guna pepulung nakan man isi jabuna.

Ayat  15-17 : ibas bagin ayat enda ituriken maka sekalak ndehara si cerdik ertanggung jawab nikapken keperlun jabuna, emaka ope terang wari nggo ia keke nikapken nakan guna keluargana ras ngaturken pendahin kerina suruh-suruhenna. Tutus erdahin guna mengupayaken kesejahteraan jabuna alu ndarami juma tukuren ras nuan anggur, la ngenca kesejahteraan jabuna ibas paksa genduari tapi pe kesejahteraan  jabuna ibas paksa sir eh pe nggo iukurkenna. Kai siigambarken ijenda tentuna hal si luar biasa janah jadi usihen man kerina pernanden, selaku ndehara ras tiang tinande jabu.

Tema : Pentar Makeken Waktu

Lit kata pepatah ngataken : “Jangan tunggu hari esok apa yang engkau dapat kerjakan hari ini”. Maksud pepatah enda tentuna ngajarken man banta gelah ula menunda-nunda  pekerjaan tapi memanfaatkan setiap waktu guna  ndahiken kai si banci sidahiken.  Mekatep kal sibegi kalak ngataken : “Maaf saya tidak punya waktu” ntah pe lit ka nge si ngatakenca : “La bias waktuku, 24 jam ibas sada wari e pe, mawen-mawen  kurang kuakap”.  Situhuna , persoalenna labo erkiteken waktu e kurang tapi erkiteken kita la ngasup dingen la pentar ngaturken ras makeken waktu si lit e alu payo. Erkiteken “management waktunta” lenga benar.

Arah teks ogen ras tema enda  mabai Moria gelah:

1.       Bijak ngaturken waktuna alu mehuli, seh maka lalit waktu si terbuang sia-sia, lalit waktu si la terpergunaken. Sebab melala ka nge pernanden si riahen akapna makeken waktuna guna santai-santai, erdakan pe janahna nonton sinetron, ngeranai / ngobrol ras teman/ tetangga, teleponan/ bbm-an seh maka la gejapna melala waktu terbuang percuma.

2.       Uga sibukna pe ngasup ngaturken/mbagi waktu guna  keluarga. Melala genduari pernanden si erkiteken kesibukenna ras pendahinna lanai lit waktuna guna keluargana, lit ka deba dekahen waktuna ipakena guna ngurus dirina piah lanai cukup waktuna guna isi jabu, apaika waktu guna Tuhan.  Arah PA Moria enda kerina Moria ibabai jadi pernanden si bijak ras ndehara si cerdik, alu erkemalangen man Tuhan mabai kita jadi Moria si cerdik, ngasup makeken wari-wari ras kerina waktunta si lit alu mehuli, lalit si terbuang sebab kerina waktu si lit e berharga (waktu adalah uang). Jadi pentarlah kita makekenca gelah tiap waktu siibereken Tuhan man banta erguna man banta pribadi, bagepe erguna man isi jabunta.

3.       Waktu e eme pemere Dibata, janah waktu e lanai banci siulihi, erkiteken si tentuna setiap saat/waktu mehergalah siakap, pentarlah kita makeken wari-wari/waktunta (Masmur 90:12) bagi kai siikataken Paulus ibas Efesus 5:16: “Pergunakenlah kesempaten si lit ibas kam alu mehuli sebab wari-wari enda la kap mehuli.”

SELAMAT MELAYANI & TUHAN MEMBERKATI

 (Pdt. Jenny Eva Karosekali STh. M.Min)