BAHAN PA MAMRE TGL 22-28 MARET 2015 RG. GBKP CENGKARENG

BAHAN PA MAMRE TGL 22-28 MARET 2015 RG. GBKP CENGKARENG

Ogen : KEJADIAN 41:33-41                             Tema: “MENGANTISIPASI MASA DEPAN”

Tujun : 1.  Gelah Mamre meteh kai siilakoken Jusuf guna mengantisipasi keadaan si nandangi reh I Mesir.

2.  Gelah Mamre ngasup jadi perencana masa depan jabu, gereja, ras masyarakat.

Penjelasen Teks Ogen :  

1. Teks ogen PA Mamre  Kejadin 41 : 33-41 nuriken kerna uga Jusuf ibereken Dibata kepentaren ras pemeteh guna ngantusi nipi Raja Firaun. Emaka guna menghadapi 7 tahun paksa  kelihen  saran Jusuf man Raja Firaun gelah ipilihna sekalak si pentar guna ngaturken negeri e ras ngangkat pegawai2 guna mpepulung seperlima ibas ulih peranin tupung paksa nakan riba-iba ibas 7 tahun ope lenga seh paksa kelihen si 7 tahun e. Enda me kunci guna mpersiapken diri mengantisipasi masa depan. Ertina kai gia krisis ras masalah si nandangi reh ras nandangi jadi ibas paksa sir eh nggo lit persiapan. Yusuf ngelakoken persiapan ras erbahan strategi guna ngalaken masalah si bakal terjadi i negeri e.  Ertina ibas mengantisipasi masa depan kita perlu erbahan persiapan ras perencanaan, ula sinik saja ntah pe pasrah nandangi situasi ras keadaan si lit. Ibas perikop enda siidah uga Yusuf ngajarken man banta guna bijak ras berusaha  menyisihkan sebagian untuk masa depan kita (dan sepersepuluh tentu saja), la ngkeriken kai si lit genduari, justru tupung paksa riba-iba dingen lebih e labo kesempatan guna foya2  ras ngambur2ken si lit ibas kita tapi sebalikna sipake jadi kesempatan guna mpersiapkan masa depan.

2. Erpalasken penampat Dibata Yusuf nuriken arti nipi raja e. Janah kai siikatakenna  payo iakap raja kerina. Emaka nina Raja : “Labo lit dat kita jelma tersikapen asang jusup enda, sekalak silit kesah Dibata ibas dirina (ay. 38). Enggo icidahken Dibata man bandu kerina kejadin enda. (ay 34). Luar biasa perbahanen Dibata arah Yusuf, seh maka Raja Mesir si la nandai Dibata siisembah Jusuf pe,  mujiken Dibata. Erkiteken si e me raja mpercayaken Yusuf jadi wakil raja ibelang belang mesir. (ay 41). Yusuf i bere kesempaten guna merealisasiken antusen nipi raja e, gelah ula pagi kelihen bangsa e aminna gia paksa kelihen sipitu tahun e seh pagi, perban melala persedian enggo i sikapken Yusuf ras pegawai-pegawaina.

3. Yusuf pe labo pernah terpikir ras terbayangkenca kuga masa depanna kenca ia dayaken senina-senina ku pedagang mesir. Saja ijape ia tading ras erdahin  erkemalangen ia man Dibata, dahikenna dahina alu tutus ras ertanggung jawab. Aminna gia arus jadi budak, ipenjaraken ras ngalaken kiniseran tetap ia setia nandangi pendilo Dibata, emaka ijapape tetap ia jadi saksi Dibata, janah tetap i pasu-pasu Tuhan ras jadi pasu-pasu man jelma si enterem, termasuk nandangi keluarga/senina2na si nggo ndayaken ia bagepe man bangsa Mesir si la nandai Tuhan.

4. Arah ogen PA Mamre enda ngajuk ras mpersingeti kerina Mamre gelah ngasup jadi bapa si tetap ngasup bertanggung jawab guna mpersiapken masa depanna ras anak jabuna  ku arah silebih baik. Arah kita mempersiapken anak jabu guna erdahin  alu tutus asa bancina kita menciptaken pendahin. Janah adi lit dahin dahikenlah alu tutus, ertanggung jawab man Dibata, sebab arah kai sidahiken kita e adi si syukuri maka mereken hasil si sempurna. Pekerjaan besar siidahiken labo alu gegeh saja tapi pe alu ketutusen ate. Adi tutus ibas si kitik pasti ipercayaken Dibata man banta si terbelinen.

5. Kai si arus ilakoken Mamre guna mengantisipasi masa depan:

v  Tetap erkemalangen man Dibata amin kai gia jadi bagi karakter siicidahken Jusuf.

v  Tutus ras ertanggung jawab ibas kai pe siilakoken ras si idahiken seh maka arah pendahinta e jadi pasu2 man banta bagepe jadi pasu2 man kalak si deban.

v  Dahiken dahin si erguna man Dibata, erguna man keluarganta ras erguna  pe man jelma sienterem (bagi dahin Yusup). La menyerah ras putus asa ibas kegagalan, tantangan ras kiniseran sir eh man banta sebab adi megenggeng kita ras tetap erpengarapen man Tuhan kerina banci isalihken Dibata jadi kiniulin.

Amsal 30:25 : Perkis rubia-rubia si labo megegeh, tapi isikapkenna nakanna tupung paksa perlego. Erlajar kita arah perkis aminna gia kitik ras la megegeh tapi pekerja keras ras tutus mpersiapkan masa depanna dingen mengantisipasi kai si lenga reh/jadi.

SELAMAT MELAYANI & TUHAN MEMBERKATI

(Pdt. Jenny Eva Karosekali STh. M.Min)