BAHAN PA MORIA 28 JUNI-04 JULI 2015 RG. GBKP CENGKARENG Pebrianika Br Karo (mahasiswa praktek)

SERMON PA MORIA 28 JUNI-04 JULI 2015 RG. GBKP CENGKARENG

Pebrianika Br Karo (mahasiswa praktek)

Ogen   : 1 Samuel 16 :6-13                Tema : “Manusia Ngenen Rupa, Dibata Ngidah pusuh”

Tujuan           : Gelah Moria :

·         Meteh cara Samuel milih Daud jadi Raja

·         Ngasup milih pengurus Moria erpalasken pendilo ras kiniteken

Penjelasan Teks Ogen :

1.      Ibas teks ogen Moria enda nuriken kerna Daud si ipilih Dibata guna gantiken Saul sebagai raja bangsa Israel. Janah ibas teks enda ikataken maka Samuel me si i suruh Dibata guna nangkuhken Daud. Nina ibas ogen enda, kenca ia reh kerina, emaka idah Samuel me anak Isai janah inen na me maka ernilap gelarna, jenari erbelas Samuel ibas ukurna nina enda me si enggo ipilih Tuhan. Tapi Dibata ngatakenca man Samuel “ola nehen kuga gedangna ras kuga jilena rupana. La ia Kupilih, sabap pertimbangenku la bali ras pertimbangen manusia. Adi manusia inehenna si teridah arah darat, tapi Aku Kupernehen pusuhna” (ayat 7).

2.      Dibata labo ngenehen kalak arah darat saja, misalna rupa simejile, mbestanng janah mehaga idah badanna. Tapi Dibata ngenin isi pusuh, sebab labo seri pertimbangen Dibata ras pertimbangen manusa. Bagi si ituriken ibas Samuel, anak-anak Isai lit 8 kalak tapi 7 kalak nge ngence si ipetandaken Isai man Samuel. Perbahan seh kel jilena rupa anak-anak na e. si menarik emekap, Dibata erpenulak kerna anak-anak Isai si pitu e. tapi Dibata milih anak Isai si nguda si paksa e sangana ermakan biri-biri, emaka isuruh Samuel nge ilebohken Isai anak na si nguda ndai. Sebab na ia me si I pilih Dibata guna gantiken Saul jadi raja bagi bangsa Israel.

3.       Ibas teks enda maka ate Dibata ngingetken man Samuel bahwa memilih sekalak pemimpin labo banci si nehen arah rupa saja tapi si penting emekap pusuh peratenna. Daud anak Isai si nguda si ipilih Dibata itangkuhken jadi raja bangsa Israel, emakana adi sinen kubas ayat si selanjutna ituriken me uga kerna Daud si sekalak patuh kap janah erkemalangen man Dibata.  Kerina si iperentahken Dibata idalankenna, janah ia labo nggit ndalanken peratenna tapi peraten Dibata kap si idalankenna, emaka arah ketaaten Daud enda me si jadi dasar engkai maka ia si ipilih Dibata jadi raja man bangsa Israel.

4.      Kalak si ngenen rupa rusur kap tertipu sebab rupa simejile labo jadi jaminen kualitas sekalak jelma. Si eteh maka entisek nari pemilihen kepengurusan Moria simbaru janah arah bahan PA nta enda iarapken gelah Moria ngasup memilih sekalak pemimpin bagi Samuel milih Daud. Labo milih kengurusan perban ia bayak entah pe metunggung idah arah fisikna, tapi si jadi arapennta eme, Moria milih seorang pengurus si memang erkinitiken, erkemalangen man Dibata janah e merupaken panggilan na. Dibata ngajuk kita gelah pentar ibas milih sekalak pemimpin, labo ngenin rupa tapi nehenlah pusuhna. Sebabna adi kalak si mejile rupana eme si idah arah darat saja, tapi adi mejile pusuh peratenna maka ngasup nge ia jadi sekalak pemimpin si erkemalangen janah taat man Dibata.

Arah bahan PA ta enda enggo ituriken alu tangkas man banta kerna cara Samuel milih Daud jadi raja. Samuel milih Daud labo erpalasken pemetehna tapi ia milih Daud erpalas ken kata ras perentah Dibata. Jadi marilah sipakeken cara Daud ibas Moria memilih pemimpin situhu-tuhu takut akan Tuhan.