Bimbingan PA Mamre 28 Juni - 04 Juli 2015

SERMON PA MAMRE 28 JUNI-04 JULI 2015 RG. GBKP CENGKARENG

Pebrianika Br Karo (mahasiswa praktek)

Ogen   : II Kor. 12 :7-10                           Tema : “Nikapken ras Ngalaken si La Bagi Ukkur”

Tujun : 1. Mamre meteh Kuga kin Paulus ngidah ras ngenehen si la bagi ukur ?

              2. Gelah Mamre ngasup ngalaken si la bagi ukur sinderpa geluhna

Penjelasen Teks Ogen :

1.      Ibas teks ogen PA Mamre enda nuriken kerna rasul Paulus ngadapi geluh si la bagi ukurna. Tupung ibas surat sipeduaken Paulus ku jemaat i Korinti teridah me hubungan rasul Paulus si retak ras jemaat Korinti. Ibas surat Paulus enda ikatakenna maka lit piga-piga kalak si nerang rasul Paulus (nerang ajarenna) isalah-salahken na me Paulus  janah sie erbahanca tangis ate Paulus. Paulus eme sekalak Rasul janah ia kalak si pentar ras melala pemetehna, Janah Paulus ngataken maka gelah ola meganjang ukurku kerna pengenehen si mejin e, ibereken duri ibas dagingku, eme persuruhen iblis guna ngeligas aku gelah ola meganjang ukurku (II Kor. 12 :7). Sie ncidahken man banta bahwa Paulus ibereken man bana kiniseran gelah i aula jadi kalak si meganjang ukur ibas pemetehna.

2.      Menurut Paulus, duri ibas dagingna e merupaken sada persinget gelah ia la jadi kalak si meganjang ukur. Aminna gia mindo ia gelah ipedauh Tuhan duri e ibas ia nari, arah e si idah maka Paulus pe situhuna labo nggit ngaloken duri ibas daging e, sebabna nina ndai adi banci ipedauh min sie kerina ibas ia nari (ayat 8). Tapi justru ibas ia mbritaken berita si meriah e me reh si la bagi ukurna, rehpersuruhen iblis guna ngeligasi ia.

3.      Tapi Tuhan ngaloi Paulus nina “cukup kam lias ateKu  man bandu; sebab gegehku serta kap ibas gegeh sikurang” (ayat 9). Ibas sie tangkas Dibata ngaloi Pulus, sebab ibas gegeh Paulus si kurang lit gegeh Tuhan si nampati ia.

4.      Alu peristiwa si i alami Paulus enda maka Tuhan encidahken maka labo kerina perdalanen geluh bagi siniarepken lalap. Arah rasul Paulus enda maka ia ngenanami ibas gegehna si kurang, ibas ia igombang-gombangi kalak, ibas ia kepiceten, bege pe ibas ia isiksa kalak, ibas ia kesusahen erkiteken Kristus (ayat 10). Maka teridah gegeh Tuhan kap si matanng kegeluhenna janah ia la mbiar ngadepi perbeben si reh la bagi ukurna. Aminna pe ibas jemaat Korinti paksa si elit rasul-rasul palsu si membanggaken kelebihen, gegeh, keberhasilen si bagi ukue secara Doni, tapi kinigenggengen ibas kiniseran guna Tuhan eme si penting iakap Paulus.

5.      Kegeluhen enda labo terjeng doni ngenca. Sebab na adina kegeluhen si terjeng Doni ngenca (bagi ukur) lit ibas ukurta maka kita me jelma siliahna kel. Emaka arah bahan PAnta enda ipersingeti kerina Mamre gelah ngasup ngalaken bage pe nikapken kerina sir eh la bagi ukur, bagi bas ogennta sebagai contoh konkret na eme Paulus si ngasup ngalaken kerina sinerpa ia si la bagi ukurna. Janah Mamre iajuk gelah tetap setia man Tuhan ibas kiniseran-kiniseran si reh man banta si la bagi ukurta.

Labo banci kerina banci bagi ukurta, sebab adi kerina si terjadi ibas geluhta bagi ukurta maka kemungkinan kita banci jadi kalak si sombong si meganjang ukur. Janah la si gejapken kerna penampat rasp e kehadiran Tuhan ibas kegeluhennta. Emakana mari kita kerina ngenehen Paulus si nanggapi sireh bas geluhna si la bagi ukurna. Arah ei banci erlajar guna ngasup ngalaken kerina si reh ibas geluh ta si labagi ukurta, sebab alu bage kita jadi kalak rendah hati ras pe ngasup ngataken ibas kelemahenta e me keriahen sebab Tuhan si bere gegeh man banta. Tuhan si masu-masu kita.