PA MAMRE GBKP CENGKARENG 9-15 Agustus 2015 Pdt. Dewi Ekawati Gurki

PA MAMRE GBKP CENGKARENG

9-15 Agustus 2015

Pdt. Dewi Ekawati Gurki

 

BAHAN : Kuan-kuanen  21:3 dan Yehezkiel 45 : 9

Tema : Mamre si benar ras si adil

Tujun : - Gelah Mamre meteh tanggungjawabna mperjuangken kebenaren ras keadilen.

-         Gelah Mamre ngasup jadi pelopor simperjuangken kebenaren ras keadilen.

Penjelasan.

1.    Dibata ersura-sura gelah manusia nggeluh ibas perbahanen si benar  ras adil. Ola terjebak kubas  kegiaten rohani saja, tapi la ngelakoken sura-sura Dibata. Sebab melala kal kalak tutus kal ibas kegiaten  rohani  tapi la ernanam kegeluhenna man kalak sideban….bandingken Mika 5 : 6 – 8; Amos 5:15.

Tuhan mpersingeti  kalak si la mediate nandangi kalak sideban , si lebih mementingken praktek ritual agama: Jakup 1: 27  ntah pe cakap saja ngenca simehuli .

2.    Ibas kegeluhen i- doni enda tentu erbage bage kecibal manusia. Janah i- lebe lebe Dibata kerina manusia seri, la erndobahen (Galatia 3:28; Kolose 3:11).

Sibiasana terjadi e me kap..kita la ngasup bersikap adil man kerina manusia  …Jakup 2: 1-4. Tole pe nina Jakup , ulih kalak si pentar eme kap la rayo ayo  (Jakup 3:17).

Kengasupen guna nggeluh alu benar ras adil, adi kita tuhu tuhu rembak ras Dibata  ( bagi bantang anggur ras dahan-dahanna).

Emaka kalak sipekulah kulah ipandang Yesus kal ia  ( Matius 23:23).

3.    Selaku Mamre GBKP… kuga nge pendalanenken kata Dibata e ibas peraktek nggeluh si tep tep wari.  Ibas bahan PA MAMRE…pandang Tuhan para penguasa simenindas bangsa…( Yeh 45: 11). Enggo nge sura-sura Dibata e idalanken…nggeluh alu benar ( erpalas ku kata Dibata..sukat sukatna kata Dibata…labo kai nina doni enda). 

Melala kal jelma arus jadi titik perhatin keleng ateta…terlebih kalak musil, anak anak yatim ras sidebannya…. Kalak si musil enda banci jadi la ngasup ersimulih man banta….tapi Tuhan pasti  enggo nikapken simehulina man Mamre.

Jadilah mamre siman ikuten ibas nggeluh alu benar ras adil.

MERDEKA…MERDEKA…MERDEKA.