PA MORIA GBKP CENGKARENG 9-15 AGUSTUS 2015 Pdt. Dewi Ekawati Gurki, S.Th

PA MORIA  GBKP CENGKARENG

  9-15 AGUSTUS 2015

Pdt. Dewi Ekawati Gurki, S.Th 

 Bahan : II Raja 7: 10-14

Tema : Megermet nandangi tanda tanda mara

Tujun    : - Meteh tugas ras tanggung jawab peenjaga kota.

            -  Meteh pentingna megermet nandangi tanda tanda.

Penjelasaan.

1.    Kerajan Israel ( samaria) nggeluh ibas paksa sidem alu kiniseran. Mesera kal guna ndatken nakan, seh  maka  rakyat pe arus rela man daging anakna…Raja pe la ngasup nampati rakyatna…Si e jadi erkiteken bangsa Siria ngepung Israel…

Oge II Raja 6 : 24 -30

Situasi enda kepeken  i-sikapi alu cara  la benar ibas raja Israel nari, i- akapna kerina enda jadi erkiteken nabi elisa si la nggit munuh Siria sanga lit kesempaten guna ngkernepkenca : Oge II Raja 6 : 22-23….

2.    Ibas kiniseran simberat e, raja Israel justru ersura sura munuh Nabi Elisa..emaka idaramina nabi enda gelah  bunuh… ( II raja 6: 31).

Tapi Elisa mpersingeti raja nina:  II Raja 7: 1….Ogeken….. Tapi la bo tek ajudan raja e.

3.    Cara Tuhan guna mpelimbarui situasi bangsa Israel enda eme kap : Oge  II Raja 7: 3 -10….Lit  4 kalak sipinakit kulitna bahaya kal . erkiteken melihe ia, emaka - daramina nakan..seh ia kuta ,ingan kalak Siria erkemah.. kuta Samaria e sangana ikepung Siria…. Mulai gelap wari  bengket me si 4 kalak enda ku  ingan kalak si erkemah…tapi   kalak Siria   bagi megi  sora  tentara sienterem ( ayat 6). Mbiar tentara Siria, emaka itadingkenna  kemahna …kiam ia kerina perban biarna.

Kenca bage si 4 kalak ndai muatti nakan, erta-erta ras sidebanna. Tapi rukur ia, la patut enda i-sinikken saja, emaka iberitakenna man  penjaga gerbang situasi si idapati si 4 kalak pinakiten enda ndai.

4.       Penjaga Gerbang…peseh berita e  ku istana raja ( ayat 11)…tapi Raja labo mis tek kerna berita e..sebab banci jadi enda jebaken ( oge  ayat 12). Jenari  seakalak pegawai ngatakenca..gelah  isuruh piga piga kalak guna ngenensa… ( ayat 13-14)…Kenca si e ..maka tuhu kepe bagi simomoken  penjaga gerbang e….selanjutna maka nggo ndatken pangan ras erta erta bangsa Israel…. Tuhu bagi sienggo ikataken Elisa man Raja  arah ajudanna .

Aplikasi

Kai sijadi ibas kegeluhenta..pasti la terlepas ibas kuasa ras tanggung jawab Tuhan. Situhuna Tuhan enggo mereken man banta kepentaren guna ngeteh tanda tanda..gelah kita banci ersikap ngalaken kai pe sijadi….bandingken : Yusuf  sangana i-Mesir….ibas paksa mejile wari  i-pake guna nuan ras  nimpan gandum..sebab enggo icidahken litna masa kelegon…lanai banci nuan…alu bage ibas paksa krisis pe kita tetap ngngeluh…

Emaka ola kita mapas nandangi tanda-tanda ntah pe persinget sijadi ibas kita, Bdk Yehezkiel  3: 16 – 21.

TUHAN SIMASU – MASU KITA KERINA.  MERDEKA…MERDEKA